2021-04-04 19:56:11, 693 ნახვა
კომენტარი
მთავრობა - ინფორმაცია, რომ მოსახლეობას აივანზე გასასვლელად გადაადგილების ნებართვა ესაჭიროება, კლასიკური „ფეიქ ნიუსია“
სოციალურ ქსელში გავრცელებულ აუდიოჩანაწერს, რომლის თანახმად, კომენდანტის საათის დროს, აივანზე გასასვლელად საშვია საჭირო, მთავრობის სტრატკომი ეხმიანება.
განცხადებაში აღნიშნულია, რომ გავრცელებული ინფორმაცია სიმართლეს არ შეესაბამება.
„სოციალურ ქსელში გავრცელდა ყალბი სატელეფონო საუბრის ჩანაწერი, რომლის თანახმად, თითქოსდა მოსახლეობას აივანზე გასასვლელად, გადაადგილების შეზღუდვის მოქმედების პერიოდში, სპეციალური გადაადგილების ნებართვა ესაჭიროება. ხაზგასმით ვაცხადებთ, რომ აღნიშნული ინფორმაცია არის კლასიკური ფეიქ ნიუსი, რომელიც მიზნად ისახავს საზოგადოების შეცდომაში შეყვანას და წარმოადგენს მიზანმიმართულ დისკრედიტაციას, იმ შემზღუდავი ღონისძიებისა, რომელიც ქვეყანაში კორონავირუსის გავრცელების პრევენციის მიზნით მოქმედებს“, - ვკითხულობთ განცხადებაში.
ავტორი: ექსპრესნიუსი,
epn.ge (@expressnews.ge)
