ოპოზიციური „აფხაზეთის სახალხო მოძრაობის“ ლიდერი და ოკუპირებული აფხაზეთის ყოფილი „ვიცე-პრემიერი“, ადგურ არძინბა, რუს ჟურნალისტს, ვლადიმერ პოზნერს აფხაზეთში იწვევს, -  ამის შესახებ ინფორმაციას „ეხო კავკაზა“ ავრცელებს.

როგორც პოლიტიკოსმა აღნიშნა, აფხაზეთი მზადაა პოზნერისთვის „ნამდვილი კავკასიური კულტურა და სტუმართმოყვარეობა“ აჩვენოს.

„ის, რაც ხდებოდა საქართველოში ცნობილი რუსი ჟურნალისტისა და ტელეწამყვანის, ვლადიმერ პოზნერის ჩამოსვლის დროს, ნათლად აჩვენებს, თუ რამდენად შორს წავიდა კავკასიის ეს რესპუბლიკა კულტურისგან, ჩვენთვის უცხო დასავლური ფასეულობებისკენ. სტუმართმოყვარეობა და თბილი მისასალმებელი ტრადიციაა, რომელიც კავკასიელის სისხლშია, რომელიც არასდროს შეწყვეტს აქტუალობას და ატარებს ღრმა კულტურულ ღირებულებას. კავკასიელი თავის სახლში სისხლის მტერსაც კი არ შეეხება და ამაში დიდი სიბრძნეა. ამასთან, ჩვენმა აღმოსავლელმა მეზობლებმა, თანდათანობით უარი თქვეს საკუთარ იდენტობაზე ათწლეულების განმავლობაში, კიდევ ერთხელ გამოიჩინეს თავი „მთელი თავისი დიდებულებით“, - განაცხადა არძინბამ.

შეგახსენებთ, რომ რუსი ჟურნალისტი, ვლადიმერ პოზნერი საქართველოში მეგობრებთან ერთად, დაბადების დღის აღსანიშნავად გუშინ ჩამოვიდა, რასაც სამოქალაქო აქტივისტების პროტესტი მოჰყვა. აღნიშნულის შედეგად, ვლადიმერ პოზნერი და მისი სტუმრები, რომლებიც საქართველოში 3 აპრილამდე უნდა დარჩენილიყვნენ, დროზე ადრე, ჩარტერული რეისით, დღეს დილით გაფრინდნენ.

ავტორი: ექსპრესნიუსი,

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან