ოპოზიცია ხვალ, 13:00 საათზე, რესპუბლიკის მოედნიდან რუსთავისკენ ავტომობილებით მსვლელობას გამართავს.

ამის შესახებ „ნაციონალური მოძრაობის“ ლიდერმა, თინა ბოკუჩავამ განაცხადა.

„„ერთიანი ნაციონალური მოძრაობისთვის“ მნიშვნელოვანია, რომ ოპოზიციამ ერთობლივად იმოქმედოს მათ შორის აქციების ნაწილში. გუშინ განვიხილეთ, რომ მოხდეს აქციების ფორმის მოდიფიკაცია იმისთვის რომ ღარიბაშვილმა და ივანიშვილმა არ გამოიყენონ საპროტესტო ღონისძიებები საბაბად მოლაპარაკების ჩაშლის. ხვალინდელი აქცია, რომელიც უნდა გამართულიყო კანცელარიასთან პიკეტის ფორმით შეიცვალა და ეს იქნება მსვლელობა ავტომობილებით, რომელიც დაიწყება რესპუბლიკის მოედანზე 13:00 საათზე და წავა რუსთავისკენ. 13 მარტის აქცია გადავდეთ 20 მარტისთვის. მცირე საპროტესტო ღონისძიებების, რომლებიც დაგეგმილი იყო სასამართლოსა და პოლიციასთან, მოდიფიკაციას განვიხილავთ“, - განაცხადა თინა ბოკუჩავამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

საქართველოს რეგიონული განვითარების სამინისტრო სექტემბერში გაუქმდება

შეიქმნება რეგიონული პოლიტიკის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

იან კელი და დევიდ კრამერი: აშშ-მა და ევროკავშირმა „ქართულ ოცნებაზე“ ზეწოლა უნდა გააძლიერონ

PHR: სააპელაციომ დააკმაყოფილა ბექა შონიასთვის სამედიცინო მომსახურების შინ მიღების მოთხოვნა