2021-01-16 12:17:11, 1020 ნახვა
კომენტარი
ხატია დეკანოიძე - პარლამენტში შესვლით საქართველოს დემოკრატიას ვერ გადავარჩენთ
„ნაციონალური მოძრაობის“ ერთ-ერთი ლიდერი, ხატია დეკანოიძე ევროსაბჭოს საპარლამენტო ასამბლეა მოწოდებას ეხმაურება, რომ ოპოზიციამ ახალ პარლამენტში ადგილი უნდა დაიკავოს.
დეკანოიძე აღნიშნავს, რომ პარლამენტში შესვლით საქართველოს დემოკრატიას ვერ გადაარჩენენ და ეს მხოლოდ ფასადური იქნება.
„ჩვენ დიდი მადლობა უნდა გადავუხადოთ ჩვენს საერთაშორისო პარტნიორებს. რა თქმა უნდა, გვესმის მათი დამოკიდებულება, რომ საპარლამენტო ინსტიტუტები ძალიან მნიშვნელოვანია, მაგრამ ჩვენ ახსნითაც და მათთან გვქონდა მსჯელობაც, ჩვენ ვერ გადავარჩენთ პარლამნეტში შესვლით საქართველოში დემოკრატიას. ეს იქნება ფასადური და დემოკრატიის იმიტაცია“, - განაცხადა ხატია დეკანოიძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
