მოგვიგდეს ალიკაპის მსგავსად ეს კანონი და თვითონ დაშლიგინობენ, ესწრებიან ფეხბურთს და მანქანით გადაადგილდებიან, - ასე ეხმაურება „ევროპული საქართველოს“ ერთ-ერთი ლიდერი გიგი უგულავა საქართველო-ჩრდ. მაკედონიის საფეხბურთო მატჩზე მმართველი გუნდის წევრების დასწრებას.

მისი თქმით, ქვეყანაში არსებობს კასტა, რომლისთვისაც ყველაფერი შეიძლება და ხალხი, რომლისთვისაც არაფერი შეიძლება.

„ „ტეხავს“, რაც ვნახეთ, როდესაც ადამიანებს არ უშვებ პოლიტიკური მიზეზის გამო 22:00 საათის შემდეგ, როდესაც შეკრებილ ადამიანებს და გულშემატკივრებს აჯარიმებ და ამ დროს იქ ვიპ ცხოვრება და ღრეობა აქვს მოწყობილი მთავრობას თავის სვიტასთან ერთად. შეურაცხმყოფელია, ეს ნიშნავს, რომ რაღაც კასტა არსებობს, რომლისთვისაც ყველაფერი შეიძლება და ხალხი არსებობს, რომლისთვისაც არაფერი შეიძლება.

მოგვიგდეს ალიკაპის მსგავსად ეს კანონი და თვითონ დაშლიგინობენ, ესწრებიან ფეხბურთს, მანქანით გადაადგილდებიან, როდესაც ჩვენ გვაჯარიმებენ და ა.შ. სამარცხვინოა, ეს უკვე ნიშნავს, რომ რეჟიმი გაფორმდა ამ ქვეყანაში. ორუელის ცხოველთა ფერმა იყო გუშინ რაც ვიხილეთ. სამარცხვინოზე სამარცხვინო და სამწუხაროზე სამწუხარო“, - განაცხადა გიგი უგულავამ.

ცნობისთვის, გუშინ, 12 ნოემბერს საქართველოს ნაკრებისა და ჩრდ. მაკედონიას შორის გამართულ მატჩს „ქართული ოცნების“ საარჩევნო შტაბის ხელმძღვანელი ირაკლი კობახიძე და თბილისის მერი კახა კალაძე ესწრებოდნენ.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა