ყარაბაღში რუსებთან ერთად თურქი სამხედროებიც ჩადგებიან

2020-11-12 01:03:11, 1067 ნახვა

პოლიტიკა

ყარაბაღში რუსებთან ერთად თურქი სამხედროებიც ჩადგებიან - მემორანდუმი ხელმოწერილია

რუს ე.წ მშვიდობისმყოფელებთან ერთად, გათავისუფლებული ყარაბაღის ტერიტორიაზე თურქული სამხედრო ძალებიც განთავსდებიან. - ТАСС იუწყება, რომ ცოტახნის წინ, რუსეთისა და თურქეთის თავდაცვის მინისტრებმა სერგეი შაიგუმ და ხულუსი აკარამ მთიან ყარაბაღში ცეცხლის შეწყვეტის კონტროლისთვის ერთობლივი ცენტრის შესაქმნელად მემორანდუმს მოაწერეს ხელი.
რუსეთის თავდაცვის სამინისტროს ინფორმაციით, ცენტრი აზერბაიჯანის მიერ დაბრუნებულ ტერიტორიაზე მოეწყობა და ცეცხლის შეწყვეტის რეჟიმის დაცვასთან დაკავშირებით ინფორმაციის მოძიებასა და გადამოწმებას აწარმოებს. ისევე როგორც მოიცავს, 9 ნოემბრის სამმხრივი შეთანხმებით გათვალისწინებული სხვა პირობების რეალიზაციასთან დაკავშირებულ საკითხებს.
"რუსეთის მხარესთან მოვაწერეთ ხელი მემორანდუმს, რომლის თანახმადაც, შიემნება რუსულ-თურქული ცენტრი, საიდანაც ჩვენი სამხედროები გააკონტროლებენ, ცეცხლის შეწყვეტის შეთანხმების დაურღვევლობას" - ნათქვამია თურქეთის პრეზიდენტის განცხადებაში, რომელსაც ქვეყნის თავდაცვის უწყება ავრცელებს.
თურქეთის თავდაცვის მინისტრმა, იმედი გამოთქვა, რომ იმ სამუშაოს, რასაც ქვეყნის შეიარაღებული ძალები გასწევენ, მშვიდობას და სტაბილურობას მოუტანს რეგიონს.
რუსეთის თავდაცვის მინისტრის, სერგეი შოიგუს განმარტებით, მონიტორინგის ერთობლივი ცენტრის შექმნა, მხარეებს შორის რეჟიმის დაცვის საიმედო კონტროლის შესაძლებლობას იძლევა.