ჩვენ გვჯერა, რომ გამარჯვებულები ჩვენ ვიქნებით, – ამის შესახებ აშშ-ის პრეზიდენტობის კანდიდატმა, ჯო ბაიდენმა განაცხადა.

ბაიდენი იმედოვნებს, რომ როდესაც ხმების დათვლა დასრულდება, გამარჯვება სწორედ მას დარჩება.

"ნათელია, რომ იმდენ შტატს ვიგებთ, რომ საარჩევნო კოლეგიაში 270 ხმა მივიღოთ. აქ გამარჯვების გამოსაცხადებლად არ ვარ. იმის სათქმელად ვარ, რომ გვჯერა, რომ დათვლა როდესაც დასრულდება, გამარჯვებულები ვიქნებით.

დარწმუნებული ვარ, რომ გამარჯვებულები ვიქნებით. მაგრამ ეს არ იქნება მხოლოდ ჩემი გამარჯვება. ეს ყველას გამარჯვება იქნება. ამერიკის გამარჯვება. ამ გამარჯვების შემდეგ არ იქნება წითელი და ლურჯი შტატები. მხოლოდ ამერიკის შეერთებული შტატები". - თქვა ბაიდენმა.

აშშ-ს 2020 წლის საპრეზიდენტო არჩევნებში ერთ-ერთ მნიშვნელოვან მერყევ შტატებში, ვისკონსინში და მიჩიგანში გამარჯვება დემოკრატმა ჯო ბაიდენმა მოიპოვა. 

ვისკონსინში მონაცემებით, დათვლილია ხმების 95%, ბაიდენმა მათი 49.6% მოიპოვა, რამაც მას საკმარისი ხმა მოუტანა შტატში გამარჯვებისათვის.
მიჩიგანში 49.8 % ჯო ბაიდენს აქვს ხოლო მოქმედ პრეზიდენტ დონალდ ტრამპს 48.6 %. ამჟამად დათვლილია, ხმათა 97 პროცენტი. შესაბამისად 16 საარჩევნო კოლეგიის წევრი, ბაიდენის ყულაბაში ჩავიდა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს