ტაილანდის დედაქალაქ ბანგკოკში ანტისამთავრობო აქციაზე ათასობით ადამიანი შეიკრიბა.

აქციის მონაწილეები ითხოვენ პოლიტიკურ რეფორმებს, მათ შორის მეფის უფლებამოსილების შეზღუდვას, რომელიც დროის უმეტეს ნაწილს, მათი თქმით, ტაილანდის გარეთ ატარებს. აქციის მონაწილეები ასევე პრემიერ-მინისტრ ჩან-ოჩას გადადგომასა და ახალი კონსტიტუციის მიღებას მოითხოვენ.

დედაქალაქში მონარქისტების საპასუხო აქციაც გაიმართა. ისინი აქციაზე ყვითელი მაისურებით იყვნენ მისულები. აქციაზე როიალისტებსა და დემოკრატიის მომხრეთა შორის დაპირისპირებაც მოხდა.

როგორც Aljazeera წერს, აქციაზე ჯამში 21 ადამიანი დააკავეს.

მედია იუწყება, რომ დედაქალაქში შაბათ-კვირას ჩატარებული საპროტესტო აქციები ყველაზე მასშტაბური იყო ბოლო წლების განმავლობაში. ხელისუფლების განცხადებით, შაბათს აქციაზე 18 000 ადამიანი იყო, თუმცა სხვები უფრო მაღალ მაჩვენებლებს ასახელებენ. მომიტინგეების მოწოდებები სამეფო რეფორმის შესახებ განსაკუთრებით აქტიურია ტაილანდში, სადაც მონარქიის კრიტიკა ისჯება ხანგრძლივი პატიმრობით.

ტაილანდი პოლიტიკური არეულობისა და პროტესტის გრძელი ისტორია აქვს, მაგრამ ახალი ტალღა თებერვალში დაიწყო, მას შემდეგ რაც სასამართლომ ახალი დემოკრატიულ-ოპოზიციური პარტია დაითხოვა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს