გაერთიანებული ოპოზიციის მაჟორიტარობის კანდიდატმა მცხეთა, დუშეთი, თიანეთი, ყაზბეგში ცეზარ ჩოჩელმა მცხეთის მუნიციპალიტეტის სოფლებში: ახალუბანში, ნატახტარში, მისაქციელში, აღდგომლიანთკარში, ნაოზასა და ფრეზეთში მოსახლეობასთან წინასაარჩევნო შეხვედრები გამართა.

მოსახლეობამ ცეზარ ჩოჩელთან საუბარში ხაზი გაუსვეს იმას, რომ სოფლების უმრავლესობას დღემდე არ აქვს სასმელი წყალი. განსაკუთრებული პრობლემების წინაშე არიან, ფრეზეთში, სადაც კომპაქტურადაა ჩასახლებული ახალგორელი დევნილები.

მოსახლეობა, ამბობს, რომ ხელისუფლება და მოქმედი დეპუტატი დიმიტრი ხუნდაძე, მათ წყლის სისტემის მოწესრიგებას, ინფრასტრუქტურის გაუმჯობესებას დაპირდა თუმცა, როგორც ფრეზეთში ასევე სხვა დანარჩენ სოფლებში დანაპირები არ შეასრულა.

"ყველგან რაც ყველაზე მეტად თვალში საცემია, არის ერთი და იგივე პრობლემა, წყალი ინფრასტრუქტურა და მასიური უმუშევრობა. უმუშევრობა ეს არის ნომერ პირველი პრობლემა. ყველაზე ცუდი კი რაც ამ ბოლო დროს ფიქსირდება არის ხალხის მასიური დაშინება. გამგებლები, რწმუნებულები ხალხს ექცევიან როგორც მონებს. ხალხი არ უნდა გამოვიდეს გარეთ, არავის არ უნდა დაელაპარაკონ, ინფორმაცია არ უნდა მიიღონ რა ხდება ქვეყანაში. თუ ვინმე გამოვიდა შეხვედრებზე უნდა გადაუღონ დაასურათონ, ხელში თუ ჩაიგდეს ეს დაშინებული ადამიანი მერე ემუქრებიან ასაკობრივი პენსიის მოხსნით, შემწეობის მოხსნით. სამარცხვინოა ეს ყველაფერი. რვა წელია ხელისუფლება ერთი და იგივეს გვპირდება, მეტი თავისუფლება, მეტი ღირსება მეტი დამოუკიდებლობა, რაც დრო გადის, მდგომარეობა ნელ-ნელა უარესდება. 2016 წელს მე არ მახსოვს ასეთი დამოკიდებულება ხალხის მიმართ, ახლა კი გამოჩნდა, რომ ხალხს მძიმე პირობებში ამყოფებენ, აშინებენ. " - განაცხადა ცეზარ ჩოჩელმა.

 მისი თქმით, პირველ ნოემბრიდან, ყველანი ერთად შევცვლით რვა წლიან უძრაობას, პროგრესით.   

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს