ილია მეორეს საპატიო დოქტორის ხარისხი მიანიჭეს

2020-10-05 16:47:51, 812 ნახვა

საზოგადოება

სრულიად საქართველოს კათოლიკოს-პატრიარქს, ილია მეორეს სპეციალურ ცერემონიალზე საპატიო დოქტორის ხარისხი (honoris causa) მიანიჭეს.

ღონისძიებას პრეზიდენტი სალომე ზურაბიშვილიც დაესწრო.

აღნიშნული ინფორმაცია პრეზიდენტის პრესსამსახურმა გაავრცელა.

,,მიხარია, რომ ვიმყოფები საქართველოს კათოლიკოს-პატრიარქის უწმიდესი და უნეტარესი ილია II-სათვის საპატიო დოქტორის (honoris causa) ხარისხის მინიჭების ცერემონიალზე და როგორც საქართველოს პრეზიდენტს საშუალება მეძლევა მოკლედ ვისაუბრო ქართული საზოგადოების სახელით მისი უწმინდესობის ღვაწლზე ჩვენი ქვეყნისა და ერის წინაშე. ისიც უნდა დავამატო, რომ ცოტა არ იყოს გამიკვირდა, რომ ჯერ არ ჰქონდა უწმინდესს მიღებული საპატიო ხარისხი ჩვენი სემინარიის და აკადემიისა", - განაცხადა სალომე ზურაბიშვილმა ღონისძიებაზე.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან