როგორ სააკაშილს, ისე ივანიშვილს სურთ, რომ საზოგადოებას დაანახონ შავ-თეთრი რეალობა, რომ არჩევანი მხოლოდ მათ შორის არის, - ასე ეხმაურება „ევროპული საქართველოს“ ქუთაისის მაჟორიტარობის კანდიდატი, ოთარ კახიძე, პარტიის საარჩევნო კლიპს, სადაც ბიძინა ივანიშვილი და მიხეილ სააკაშვილი ნეგატიურ კონტექსტში არიან მოხსენიებული.

როგორც მან აღნიშნა, კლიპის მიზანია დაასრულოს ეს მოჯადოებული წრე და ქვეყანა არ დატოვოს არც დღევანდელ ჭაობში და არ დააბრუნოს არც წარსულში.

კახიძის თქმით, ქვეყანას სჭირდება გარდამტეხი ცვლილებები, ამისათვის კი საჭიროა კოალიციური მთავრობა.

„ბიძინა ივანიშვილს და მიხეილ სააკაშილს სურთ, რომ წარმოაჩინონ შავ-თეთრი რეალობა, თითქოს არჩევანი არის მხოლოდ მიშასა და ბიძინას შორის. ეს არის მოჯადოებული წრე, რომელიც უნდა გავარღვიოთ. ბიძინა, ეს არის ჭაობი და უძრაობა, ხოლო მიშას სურს დაგვაბრუნოს წარსულში.

საქართველოს კი სჭირდება გარდამტეხი ცვლილებები და ევროპული კოალიცია, რომელშიც წამყვანი ძალა იქნება ევროპული საქართველო. ჩვენი კლიპის მიზანიც ეს არის, რომ გავარღვიოთ მოჯადოებული წრე და მოვუტანოთ ქვეყანას ცვლილებები“, - განაცხადა ოთარ კახიძემ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს