მცხეთა-მთიანეთის ოლქში მაჟორიტარი კანდიდატი ცეზარ ჩოჩელი დღეს, სოფელ ვაზიანის და ძალისის მოსახლეობას შეხვდა. ადგილობრივმა მოსახლეობამ დეპუტატობის კანდიდატს, სოფლის პრობლემები გაუზიარეს. ერთ-ერთ მთავარ პრობლემად ორივე სოფელში მოსახლეობა უმუშევრობას და ინფრასტრუქტურულ პრობლემებს ასახელებს. 

"გამოწვევები და პრობლემები იგივეა, რაც მთელს რეგიონში. მაშინ, როდესაც თავს ვიწონებთ რომ ქვეყანაში საუკეთესო წყალი გვაქვს, რეგიონის მოსახლეობის უმეტესებას სასმელი წყალი არ მიეწოდება. აღარაფერს ვამბობ სხვა  ინფრასტუქტურულ პროექტებზე, რომლის მოგვარების დაპირებით  დაიღალა უკვე ჩვენი მოსახლეობა." - განაცხადა ცეზარ ჩოჩელმა.

 ცეზარ ჩოჩელმა, სოფელ ძალიასში ხალხთან შეხვედრისას თქვა, რომ წლების განმავლობაში არსებულ ხელისუფლებას, არაფერი გაუკეთებია. 
"2012 წელს სადაც გავჩერდი, ყველაფერი იქვე დარჩა, ერთი განსხვავებით - დღეს 2020 წელია: გაჭირვებულ ხალხს თვიდან-თვემდე სახელმწიფო შემწეობით გააქვს თავი. შეჩერებულია სოფლის მეურნეობის პროექტები, არ აშენებულა წარმოება, გადამამუშავებელი ქარხნები ან ფერმები. " - აღნიშნა ცეზარ ჩოჩელმა.

ცეზარ ჩოჩელი 2020 წლის საპარლამენტო არჩევნებში პოლიტიკური გაერთიანება "ძალა ერთობაშია" სახელით მონაწილეობს. 

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს