2020-09-16 17:34:54, 972 ნახვა
სამართალი
შაქარაშვილის საქმეზე დაკავებულმა ტატიაშვილმა დაადასტურა, რომ ჟვანიას რკინის ხელკეტი ჰქონდა
გიორგი შაქარაშვილის საქმეზე დაკავებული არასრულწლოვნის ადვოკატის, ზაქრო გვიშიანის განცხადებით, გიგა ტატიაშვილმა დაადასტურა, რომ ჟვანიას რკინის ხელკეტი ჰქონდა.
ადვოკატი აცხადებს, რომ ტატიაშვილს არ დაუნახავს გამოიყენა თუ არა ხელკეტი ჟვანიამ.
„მას არ დაუსახელებია კონკრეტულად ვინ სცემეს, თქვა, რომ ერთ-ერთ პიროვნებას ხელში რაღაც ხელკეტი ეჭირა. ეს იყო ჟვანია.
ტატიაშვილმა განაცხადა, რომ სურდათ თბილისში წასვლა, რადგან აგარაკზე კონფლიქტი მომხდარი იყო და არ სურდა მისი გაგრძელება. ამიტომ მას სურვილი გაუჩნდა, ეთქვა, რომ თითქოს, იქ პოლიცია იყო, რის შემდეგაც ყველანი მანქანაში ჩასხდნენ და თბილისში დაბრუნდნენ", - განაცხადა გვიშიანმა.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
