ანდერს ბრეივიკი შეწყალებას ითხოვს

2020-09-16 16:53:01, 2097 ნახვა

მსოფლიო

ნორვეგიელი მასობრივი მკვლელი ანდერს ბერინგ ბრეივიკი შეწყალებას ითხოვს, - ამის შესახებ ბრეივიკის ადვოკატმა განაცხადა.

ულტრა-მემარჯვენე ექსტრემისტმა, ანდერს ბრეივიკმა 2011 წლის ივლისში ოსლოში აფეთქება განახორციელა. აფეთქების შედეგად გარდაიცვალა 8 ადამიანი. მან ასევე, კუნძულ უტოიაზე ახალგაზრდების ბანაკში ცეცხლი გახსნა, რასაც 69 ადამიანის სიკვდილი მოჰყვა. გარდაცვლილთა შორის ერთი საქართველოს მოქალაქე იყო. ანდერს ბრეივიკს 21 წლით თავისუფლების აღკვეთა მიუსაჯეს.

„მე მისი მოთხოვნით ვადაზე ადრე გათავისუფლების თხოვნა გავგზავნე”, - განაცხადა ბრეივიკის ადვოკატმა.

ბრეივიკის მოთხოვნას „ტვიტერზე“ გამოეხმაურა ოსლოს მერი რაიმონდ იოჰანსენი. მან განაცხადა, რომ „ის არასდროს უნდა გათავისუფლდეს“.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან