2020-09-14 10:42:34, 1643 ნახვა
სამართალი
შაქარაშვილის საქმეზე დაკავებული 11 სრულწლოვანი პირის წინა სასამართლო სხდომა დღეს გაგრძელდება
გარდაცვლილი ფეხბურთელის, გიორგი შაქარაშვილის საქმეზე დაკავებული 11 სრულწლოვანი სასამართლო პროცესზე დღეს მხარეები მტკიცებულებების დასაშვებლობის საკითხს განიხილავენ.
პროცესზე განიხილება ძალადობის ორგანიზების საკითხი და ასევე გურამ ამირხანაშვილისთვის თავისუფლების უკანონო აღკვეთის ეპიზოდიც.
არჩილ გაგნიძის ადვოკატის, ბექა ნემსიწვერაძის განცხადებით, პროცესზე მხარეები მტკიცებულების დასაშვებლობას განიხილავენ.
„განიხილება მტკიცებულების დასაშვებლობის საკითხი. ჩვენ რა თქმა უნდა, გვაქვს შუამდგომლობა ბრალდების მხარის მტკიცებულებების ნაწილის დაუშვებლობის შესახებ. განიხილება აღკვეთის ღონისძიების გადასინჯვის საკითხი. მიგვაჩნია რომ გამოყენებული აღკვეთის ღონისძიება, პატიმრობა უნდა გაუქმდეს“, - განაცხადა ნემსიწვერაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
