უნგრეთის პრემიერ-მინისტრმა ვიქტორ ორბანმა მიგრანტებს სამშობლოში დაბრუნება ურჩია.

ამის შესახებ ორბანმა „ბილდისთვის“ მიცემულ ინტერვიუში განაცხადა.

მისი თქმით, მიგრანტების ნაკადის ზრდა არა სამხედრო მოქმედებებთან, არამედ უკეთესი ცხოვრების ძიებასთან არის დაკავშირებული.

„ეროპაში მიგრანტები არა სამხედრო მოქმედებების ზონიდან, არამედ ლიბრაში, იორდანიასა და თურქეთში განთავსებული ბანაკებიდან შემოდიან. ისინი ამ ბანაკებში უსაფრთხოდ იყვნენ. ეს ხალხი ევროპაში არა უსაფრთხოებისთვის, არამედ უკეთესი ცხოვრებითვის ჩამოდის“, - განაცხადა ორბანმა და აღნიშნა, რომ არ არსებობს უკეთესი ცხოვრების უფლება, არსებობს მხოლოდ ადამიანის სიცოცხლის და ღირსები უფლება.

აქედან გამომდინარე, უნგრეთის პრემიერი მიგრანტებს ურჩევს დაბრუნდნენ იქ, სადაც იყვნენ.

აღსანიშნავია, რომ 10 სექტემბრიდან უნგრეთის შეიარაღებული ძალები სამხედრო სწავლებებს გადის, რომლის ფარგლებში ისინი არალეგალ მიგრანტებთან გამკლავებას ისწავლიან.

გარდა ამისა, უნგრეთი საზღვრებზე კონტროლს გაამკაცრებს, სერბეთთან საზღვარზე კედელს აღმართავს და საზღვრის უკანონო კვეთისთვის სისხლის სამართლის პასუხისმგებლობას გაამკაცრებს.

შეგახსენებთ, რომ ევროპაში 2015 წლის განმავლობაში ახლო აღმოსავლეთიდან 400 ათასი კაცი არალეგალურად ჩავიდა. წლის ბოლომდე მათი რიცხვი 850 ათასს მიაღწევს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა