ხელვაჩაურის მუნიციპალიტეტის სოფელ ზედა კირნათში „ქ. ბათუმის რესპუბლიკური კლინიკური საავადმყოფო“-ს ექიმებმა უფასო სამედიცინო აქცია ჩაატარეს.

აჭარის ჯანდაცვის სამინისტროს ინფორმაციით, აქციის ფარგლებში ადგილობრივებს მომსახურება გაუწია ქირურგმა, ოფთალმოლოგმა, კარდიოლოგმა, ექოსკოპისტმა, თერაპევტმა, ნევროპათოლოგმა და ოტო-რინო-ლარინგოლოგმა. ჩატარდა კარდიოგრაფიული და ექოსკოპიური კვლევები. უფასო სამედიცინო მომსახურება მიიღო 50-მდე პაციენტმა.

აქციის მიმდინარეობის პროცესს გაეცნენ აჭარის ავტონომიური რესპუბლიკის ჯანმრთელობისა და სოციალური დაცვის სამინისტრის მოადგილები ზურაბ თენიეშვილი და რამაზ ჯინჭარაძე.

კირნათში სამედიცინო აქცია ჩატარდა ხელვაჩაურის მუნიციპალიტეტის გამგეობისა და აჭარის ჯანდაცვის სამინისტროს ინიციატივითა და ორგანიზებით.

„ქ. ბათუმის რესპუბლიკური კლინიკური საავადმყოფო“-ს მედიკოსები მორიგ უფასო სამედიცინო აქციას 19 სექტემბერს, ჩიქუნეთში ჩაატარებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბრიტანეთის ახალი პრემიერ-მინისტრი ზელენსკის შეხვდა და მას „100%-იანი“ მხარდაჭერა გამოუცხადა

როგორც მოსკოვში - თეთრი ფურცლის დაჭერისთვის პოლიციამ აქტივისტი ნოდარი წიწარიშვილი დააკავა

საქართველოს ეროვნული ბანკი: ბანკები „თელასის“ ლარში მომსახურებას გააგრძელებენ

BOG-ის გზავნილების გათამაშება დაიწყო - მოიგე 1 000₾ ყოველდღე ან 10 000₾ სუპერპრიზი