პრემიერი - მაიკ პომპეოსთან საუბრისას ხაზი გავუსვი ჩვენს ვალდებულებას შემოდგომაზე სამართლიანი არჩევნების ჩატარებისადმი

2020-07-28 10:39:17, 2392 ნახვა

პოლიტიკა

საქართველოს პრემიერ მინისტრი გიორგი გახარია აშშ-ის სახელმწიფო მდივანთან, მაიკ პომპეოსთან გამართულ სატელეფონო საუბარს სოციალურ ქსელში ეხმაურება.

როგორც პრემიერ-მინისტრი წერს, მან ხაზი გაუსვა ქვეყნის ვალდებულებას დამოუკიდებელი სასამართლო სისტემის და შემოდგომაზე თავისუფალი და სამართლიანი არჩევნების ჩატარებისადმი.

"სასიამოვნო იყო საუბარი მაიკ პომპეოსთან აშშ-ისა და საქართველოს სტრატეგიული პარტნიორობისა და ახალ სფეროებში თანამშრომლობის შესახებ. მას მადლობა გადავუხადე კონსტიტუციური ცვლილებების მხარდაჭერისთვის. ხაზი გავუსვი ჩვენს ვალდებულებას დამოუკიდებელი სასამართლო სისტემის მიმართ და ამ შემოდგომაზე თავისუფალი და სამართლიანი არჩევნების ჩატარებისადმი", - წერს გახარია "ტვიტერზე".

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან