ჩვენ მადლიერები ვართ, რომ აშშ-ის კონგრესის მხრიდან კიდევ ერთი ძლიერი მხარდაჭერა მივიღეთ, - ასე გამოეხმაურა საქართველოს პარლამენტის თავმჯდომარე არჩილ თალაკვაძე სენატში თავდაცვის ავტორიზაციის აქტის დამტკიცების საკითხს.

როგორც მან ჟურნალისტებთან საუბრისას განაცხადა, აღნიშნულ დოკუმენტში მხარდაჭერილია ის პროგრესი, რასაც საქართველოს ხელისუფლებამ და საზოგადოებამ წლების მანძილზე მიაღწია.

„მნიშვნელოვანია, რომ აშშ-ის კონგრესმა მიიღო თავდაცვის ავტორიზაციის აქტი, სადაც საქართველოს მიმართ ძლიერი მხარდაჭერაა გამოხატული. ასევე, მხარდაჭერილია ის პროგრესი, რასაც ჩვენი ამერიკელი პარტნიორების მხარდჭერით ჩვენ, ხელისუფლებამ და საზოგადოებამ ერთად მივაღწიეთ ამ წლების მანძილზე. მოგეხსენებათ, იყო არაერთი კრიტიკული მოსაზრება, ოპოზიციის მხრიდან იყო სპეკულაციებიც. დღეს უკვე მიღებულ დოკუმენტში ნებისმიერს შეუძლია ნახოს, რომ იქ მხარდაჭერა არის გამოხატული ყოველგვარი წინაპირობების გარეშე. რასაკვირველია, საქართველო აგრძელებს თავისი დემოკრატიის გაგრძელებას, აგრძელებს პროგრესის კიდევ უფრო კონსოლიდაციას ჩვენი ნომერ პირველი სტრატეგიული პარტნიორის, ამერიკის შეერთებული შტატების მხარდაჭერას. ჩვენ მადლიერები ვართ, რომ ამერიკის კონგრესის მხრიდან კიდევ ერთი ძლიერი მხარდაჭერა მივიღეთ“, - განაცხადა არჩილ თალაკვაძემ.

ავტორი: ექსპრესნიუსი,

სოციალური ქსელები

აშშ-ის განცხადებით, ირანის საზღვაო ბლოკადა გრძელდება

საქართველოს განათლების სამინისტრომ სკოლის ფორმების ფასები დაამტკიცა

ევროკავშირმა სანქციები დააწესა რუსულ „ინტერ რაოზე“, რომელიც ირიბად ფლობს ენერგეტიკულ აქტივებს საქართველოში

მუსლიმი ტერორისტი ბერლინში ლგბტ მსვლელობაზე ავტომობილით შევარდა