„ტურიზმის გადასარჩენად“ - ამ სახელწოდებით, 15 ივლისს, 12 საათზე, ტურიზმის საინიციატივო ჯგუფი მშვიდობიან აქციას აანონსებს. აქცია შავთელის ქუჩაზე, გაბრიაძის მარიონეტების თეატრთან დაიწყება, საიდანაც მთავრობის ადმინისტრაციასთან გადაინაცვლებენ.

მშვიდობიანი მომიტინგეების ძირითადი მოთხოვნებია: რეგულარული ფრენების გახსნა, საჰაერო სივრცეში იმ კომპანიების დაბრუნების მოთხოვნა, რომლებიც წარმატებით ახორციელებდნენ რეგულარულ ფრენებს, საკარანტინო სივრცეების გაუქმება ე.წ მწვანე კორიდორის ქვეყნებთან და კონკრეტული თარიღების მოსმენა რეგულარული ფრენების აღდგენასთან დაკავშირებით.

როგორც დეტალებიდან ირკვევა, აქციაზე იქნებიან ტურიზმის ინდუსტრიაში დასაქმებული პირები, კერძოდ, გიდები, ტურ-ოპერატორები, ტურისტული კომპანიები, მძღოლები, რესტორნები, სასტუმროები და სხვა.

ორგანიზატორების განცხადებით, აქცია იქნება მშვიდობიანი და ჩატარდება პოლიტიკური პარტიების გარეშე. 

„ხაზგასმით ავღნიშნავთ, რომ ჩვენ არ ვითხოვთ საზღვრების გახსნას უპირობოდ ყველა ქვეყანასთან! 
ამასთანავე არ ვითხოვთ სახმელეთო საზღვრების ამოქმედებას ტურისტებისათვის! ჩვენი მიზანია, მთავრობას შევთავაზოთ მართებული პოლიტიკა ტურიზმში არსებული პოსტ-კრიზისული მდგომარეობის დასაძლევად!", - წერენ ორგანიზატორები.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ზელენსკიმ ტრამპთან Patriot-ის რაკეტების წარმოება და დიპლომატიის დაჩქარება განიხილა

ჯო უილსონი - “ქართული ოცნება” სიტყვის თავისუფლებას “სიძულვილის ენის” შეჩერების საბაბით ანადგურებს, ამ პრორუსულ, პროირანულ, პროჩინურ რეჟიმს ამერიკა ეზიზღება

ამერიკელმა სენატორები რუსეთის წინააღმდეგ „ჯოჯოხეთურ სანქციებზე“ შეთანხმდნენ

WSJ: ტრამპი იმედგაცრუებულია პუტინით ომის სწრაფად მოგების შესახებ მისი დაპირებების შეუსრულებლობის გამო