„რესპუბლიკური პარტიის“ წევრის დავით ბერძენიშვილის განცხადებით, როდესაც პარლამენტი შეიკრიბება, „საქართველოს ეროვნული ბანკის“ შესახებ კანონპროექტზე იმსჯელებენ. 

დავით ბერძენიშვილი დარწმუნებულია, რომ აღნიშნულ კანონპროექტზე პრეზიდენტის მიერ დადებული ვეტოს დაძლევა პარლამენტს არ გაუჭირდება.

„ჩვენ ხმა მივეცით ამ კანონის მიღებას და შესაბამისად შევხედავთ რა არის შემოტანილი. მაღალი ალბათობით, პარლამენტი დაიცავს მის მიერ მიღებულ გადაწყვეტილებას. ჩვენ გაგვიზიარებია კიდეც პრეზიდენტის ვეტო და დაგვიძლევია კიდეც. შევხედავთ, გასაზიარებელია თუ დასაძლევი, არ გაგვიჭირდება არც ერთი“, – აღნიშნა ბერძენიშვილმა. 

ცნობისთვის, საქართველოს პრეზიდენტმა გიორგი მარგველაშვილმა პარლამენტის მიერ დამტკიცებულ  „ საქართველოს ეროვნული ბანკის შესახებ“ კანონპროექტს ვეტო დაადო.

კანონპროექტის თანახმად, ცვლილებები ეროვნული ბანკის შემადგენლობიდან საბანკო სფეროს ზედამხედველობის სამსახურის გამოყოფას ითვალისწინებს.

კერძოდ, იქმნება საქართველოს საფინანსო ზედამხედველობის სააგენტო, ეროვნული ბანკის ფარგლებში მოქმედი საფინანსო სექტორის ზედამხედველობის კომიტეტი კი უქმდება. განხილვის პროცესში პროექტით გათვალისწინებული რამდენიმე საკითხი შეიცვალა. მათ შორის ცვლილებები შეეხო სააგენტოს საბჭოს დაკომპლექტებისა და მისი ხელმძღვანელის არჩევის წესებს. ცვლილებების ინიციატორები საპარლამენტო უმრავლესობის წევრები თამაზ მეჭიაური და ნოდარ ებანოიძე არიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა