„სესხის პროცენტის სუბსიდირების პროგრამაც გაფართოვდა და საქართველოში არსებული სასტუმროების 90 პროცენტზე მეტი მოიცვა, რომელთა ბრუნვაც 20 მლნ ლარამდე იყო და სესხი 2020 წლის პირველ მარტამდე ჰქონდათ აღებული. ჩვენ მათ სესხების პროცენტის დიდ ნაწილს სუბსიდირებას მოვახდენთ - ეროვნულ ვალუტაში 80 პროცენტით, უცხოურ ვალუტაში კი - 70 პროცენტით“, - ამის შესახებ ეკონომიკისა და მდგრადი განვითარების მინისტრმა ნათია თურნავამ მთავრობის ადმინისტრაციაში გამართულ ბრიფინგზე განაცხადა.

მინისტრის განცხადებით, ეკონომიკისა და მდგრადი განვითარების სამინისტროს სსიპ სააგენტო „აწარმოე საქართველოში" დღეს გაავრცელებს განცხადებას, რომლის შემდეგაც სასტუმროებისგან განაცხადების მიღება განახლებული ფორმატით იქნება შესაძლებელი.

„ჩვენ საქართველოში მომუშავე სასტუმროების ძალიან დიდ ოდენობას დავეხმარებით, რომლებიც პროგრამის მოთხოვნებს აკმაყოფილებენ“, - განაცხადა ნათია თურნავამ.

„მთავრობის ანტიკრიზისული პროგრამების ფარგლებში გაცხადებული თითოეული დაპირება და ღონისძიება, იქნება ეს ბინათმშენებლობის, სოფლის მეურნეობის მიმართულებით, ან მცირე მეწარმეებისა და ტურიზმის კუთხით, არის გამყარებული კონკრეტული თანხით ბიუჯეტში და ამ პროექტების რეალიზაცია ძალიან სწრაფად დაიწყება“, - განაცხადა მინისტრმა.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს