საქართველოს მთავრობის ანტიკრიზისული სამოქმედო გეგმასა და პოსტკრიზისული სტრატეგიის ძირითად მიმართულებებზე ისაუბრა საქართველოს ეკონომიკისა და მდგრადი განვითარების მინისტრის პირველმა მოადგილემ, ეკატერინე მიქაბაძემ ონლაინ ვებინარზე „პანდემია, მსოფლიო ეკონომიკა და საქართველო", რომელიც ივანე ჯავახიშვილის სახელობის თბილისის სახელმწიფო უნივერსიტეტით გაიმართა.

მასში ასევე მონაწილეობდნენ  პოლონელი რეფორმატორი, თსუ საპატიო დოქტორი, პროფესორი ლეშეკ ბალცეროვიჩი, თსუ რექტორი გიორგი შარვაშიძე, თსუ ეკონომიკისა და ბიზნესის ფაკულტეტის დეკანი გიორგი ღაღანიძე და ეკონომისტი, პოლიტიკისა და მართვის კონსალტინგ ჯგუფის (PMCG) გენერალური დირექტორი ალექსი ალექსიშვილი.

მინისტრის პირველი მოადგილის, ეკატერინე მიქაბაძის განცხადებით, საქართველოს მთავრობამ პანდემიის გავრცელების პრევენციის ეფექტური ქმედებების გატარებით, შესაძლებელი გახადა საკარანტინო შეზღუდვების დაგეგმილზე ადრე მოხსნა და ეკონომიკის ეტაპობრივი ამუშავება. მან დეტალურად ისაუბრა პანდემიის პრევენციის ეტაპზე განხორციელებული ღონისძიებების შესახებ და შეხვედრის მონაწილეებს გააცნო მთავრობის მიერ შემუშავებული გეგმები, რომელთაც პოსტ კრიზისულ პერიოდში ხელი უნდა შეუწყოს ეკონომიკას.

ვებინარის მონაწილეებმა ასევე ისაუბრეს, რა გავლენა მოახდინა პანდემიამ განათლების სფეროზე საქართველოსა და მსოფლიოში და რა ახალი გამოწვევების წინაშე დგას განათლების სექტორი, როგორი იქნება პოსტ-პანდემიური მსოფლიო ეკონომიკა - მსოფლიო დეგლობალიზაციის პირისპირ თუ გლობალიზაცია ახალ საუკუნეში, როგორია საქართველოს მთავრობის გეგმები ეკონომიკის აღდგენასთან დაკავშირებით და რა ახალი შესაძლებლობები გაუჩინა პანდემიამ საქართველოს ეკონომიკას.

ავტორი: NS (სტატია დაფინანსებულია),

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს