შსს-ს სპეციალური და საგანგებო ღონისძიებების ცენტრის სტრატეგიული მილსადენების დაცვის დეპარტამენტის მოსამსახურე შალვა ბებიაშვილმა და შსს-ს საგანგებო სიტუაციების მართვის სააგენტოს იმერეთის საგანგებო სიტუაციების მართვის სამმართველოს მეხანძრე-მაშველმა ამირან დოღონაძემ ბათუმში ძალისმიერი სპორტის სახეობათა შავის ზღვის ქვეყნების ღია თასის გათამაშებაში წარმატებით იასპარეზეს.

შინაგან საქმეთა სამინისტროს ინფორმაციით, შალვა ბებიაშვილმა 110 კილოგრამ წონით კატეგორიაში პირველი ადგილი დაიკავა. ამასთან, ძალოსანმა ათლეტმა სამჭიდის გავრცელებულ ორ სახეობაში - წოლჭიმსა და შტანგის ამოწევაში ევროპის რეკორდსმენის ტიტული მოიპოვა.

ამირან დოღონაძემ კი 110 კილოგრამამდე წონით კატეგორიაში იასპარეზა, სადაც მან პირველი ადგილის მოპოვება შეძლო. აღსანიშნავია, რომ ამირან დოღონაძე ტიტულოვანი სპორტსმენია. იგი არის საქართველოს უძლიერეს მამაკაცთა ეროვნული ნაკრების წევრი, ძალისმიერ სამჭიდში ევროპისა და მსოფლიო შეჯიბრებების პრიზიორი, ასევე, საქართველოს ოთხგზის ჩემპიონი.

ცნობისთვის, სპორტის ამ სახეობაში მსგავსი მასშტაბის ღონისძიება საქართველოში პირველად ჩატარდა. 15-16 აგვისტოს ქალაქ ბათუმში მიმდინარე ჩემპიონატში, რომელიც ორი საერთაშორისო სპორტული ფედერაციის - ძალისმიერი სპორტის საერთაშორისო გაერთიანებისა (International Power Sports Union) და მსოფლიო პაუერლიფტინგის ალიანსის (World Powerlifting Aliance) ერთობლივი ძალისხმევით გაიმართა, სხვადასხვა ქვეყნებიდან 200-მდე სპორტსმენი მონაწილეობდა. მათ საშუალება ჰქონდათ ძალისმიერი სპორტის სხვადასხვა სახეობებში რამოდენიმე ასაკობრივ და წონით კატეგორიაში ეასპარეზათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა