შუახევში, მერის ახალგაზრდული მრჩეველთა საბჭოს ინიციატივით მორიგი სხდომა გაიმართა.

 სხდომა ონლაინ რეჟიმში წარიმართა და წევრებთან ერთად სხდომის მუშაობაში მონაწილეობდა შუახევის მერი ფრიდონ ფუტკარაძე.

სხდომაზე საბჭოს წევრებმა რამდენიმე ინიციატივა წარმოადგინეს, მათ შორის:- სოფლებში კორონავირუსის პრევენციის მიზნით საინფორმაციო დაფების განთავსება; მოძრავი მაღაზიები, რომლებიც უზრუნველყოფს ადგილობრივების სურსათით მომარაგებას; მოხალისეობრივ საქმიანობაში საბჭოს წევრების ჩართულობა და მათი ონლაინ გადამზადება წითელი ჯვრის მიერ.

 როგორც, შუახევის მერმა აღნიშნა, პრევენციის მიზნით მუნიციპალიტეტში აქტიურად მიმდინარეობს სხვადასხვა ღონისძიებები, მათ შორის ახალგაზრდული კუთხით და გამოთქვა მზაობა, რომ საბჭოს წევრების მიერ დასახელებული იდეები მაქსიმალურად გათვალისწინებული იქნება.

ფრიდონ ფუტკარაძემ მადლობა გადაუხადა საბჭოს წევრ მოხალისებს, რომლებიც აქტიურად არიან ჩართულები კორონავირუსის ბრძოლის საქმეში და უზრუნველყოფენ საინფორმაციო კამპანიებსა და სოციალური კალათების გადაცემას მოსახლეობაში.

ახალგაზრდული მრჩეველთა საბჭო შუახევის მერის ინიციატივით შეიქმნა და მისი მიზნებია ახალგაზრდების მუნიციპალიტეტის საქმიანობაში ჩართულობის გაზრდა, ეფექტური კომუნიკაციის უზრუნველყოფა, ახალგაზრდების საჭიროებებისა და ინტერესების შესაბამისი პროგრამების დაგეგმვა, სამიზნე ჯგუფების ინფორმირება და ა.შ.

ავტორი: NS (სტატია დაფინანსებულია),

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია