უეფა-ს ევროპის სუპერთასის მფლობელი „ბარსელონა“ გახდა.

„ბარსელონამ“ "დინამო არენაზე" გამართულ მატჩში „სევილია“ ანგარიშით 5-4 დაამარცხა.

მატჩის 115-ე წუთზე, დამატებით დროში მე-5 გოლი „ბარსელონას“ ფეხბურთელმა პედრო როდრიგესმა გაიტანა.

მატჩში პირველი გოლი მე-3 წუთზე "სევილიას" ფეხბურთელმა ევერ ბანეგამ საჯარიმო დარტყმით გაიტანა. მე-7 წუთზე  ანგარიში „ბარსელონამ“ ლიონელ მესის დარტყმით გაათანაბრა. მე-16 წუთზე კი მესიმ კიდევ ერთი გოლი გაიტანა და დუბლი შეასრულა.

44-ე და 52-ე წუთზე გატანილი გოლის ავტორები "ბარსელონას" ფეხბურთელები  რაფინია და სუარესი არიან.

57-ე წუთზე გატანილი გოლის ავტორი "სევილიას" ფეხბურთელი რეიესია. 72-ე წუთზე კი "სევილიამ" გამეიროს მიერ ზუსტად შესრულებული პენალტით ანგარიშის სხვაობა მინიმუმამდე შეამცირა.

"ბარსელონას" კარში "სევილიამ“ 81-ე წუთზე კიდევ ერთი გოლი გაიტანა, რითიც ანგარიში გათანაბრდა. გატანილი გოლის ავტორი კონოპლიანკაა.

მატჩის ძირითადი დრო ანგარიშით 4:4 დასრულდა.

უეფა-ს სუპერთასის მატჩში, „დინამო არენაზე“ ერთმანეთს ჩემპიონთა ლიგის გამარჯვებული "ბარსელონა" და ევროპის ლიგის გამარჯვებული "სევილია" დაუპირისპირდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა

ALDE: ოცნებამ უნდა უზრუნველყოს, რომ ელენე ხოშტარიამ მიიღოს მკურნალობა, რომელიც სჭირდება