2015-08-08 17:48:44, 640 ნახვა
საზოგადოება
აფხაზეთის ომში დაღუპული 12 გმირი დიღმის ძმათა სასაფლაოზე დაკრძალეს
აფხაზეთის ომში დაღუპული 12 ჯარისკაცი დიღმის ძმათა სასაფლაოზე სამხედრო პატივით დაკრძალეს.
ომში დაღუპული გმირების გარდაცვალებიდან 22 წლის შემდეგ, ცხედრები აფხაზეთის საოკუპაციო რეჟიმის კონტროლირებადი ტერიტორიიდან წითელი ჯვრის დახმარებით გადმოასვენეს.
1992-93 წლებში ბაბუშერას აეროპორტში თვითმფრინავის აფეთქებისას გარდაცვლილი 11 ადამიანისა და აჩადარაში ბრძოლებისას დაღუპული სამხედროს იდენტიფიცირება სამხარაულის სახელობის ექსპერტიზის ბიუროში მოხდა, საიდანაც ცხედრები სამების საკათედრო ტაძარში გადაასვენეს.
დაკრძალვის ცერემონიას საქართველოს პრეზიდენტი გიორგი მარგველაშვილი, პრემიერ-მინისტრი ირაკლი ღარიბაშვილი, თბილისის მერი დავით ნარმანია და ასევე საპარლამენტო უმრავლესობის წარმომადგნლები ესწრებოდნენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
