შინაგან საქმეთა სამინისტროს  საგანგებო სიტუაციების მართვის სააგენტოს მაშველებმა ხევსურეთიდან, არხოტის სოფელ ახიევიდან შუახნის ქალბატონი ჩამოიყვანეს.

როგორც „ექსპრესნიუსს“ შინაგან საქმეთა სამინისტროდან აცნობეს, სააგენტოში შეტყობინება შემოვიდა  იმის შესახებ, რომ ქალბატონის ჯანმრთელობის მდგომარეობა გაუარესდა და მას სასწრაფო წესით  დახმარება ესაჭიროებოდა.

უწყების ინფორმაციით, შეტყობინების მიღებისთანავე, შსს-ს საგანგებო სიტუაციების მართვის  სააგენტოს განსაკუთრებულ საგანგებო სიტუაციებზე რეაგირების სამმართველოდან მაშველებთან ერთად გაემართა საგანგებო სიტუაციების მართვის სააგენტოს ექიმი. სამაშველო ოპერაციაში ჩართული იყო სასაზღვრო პოლიციის დეპარტამენტის  ვერტმფრენი.

ჩატარებული სამაშველო ღონისძიების შედეგად ქალბატონი დროულად და უვნებლად იქნა გადმოყვანილი ღუდუშაურის სახელობის ეროვნულ სამედიცინო ცენტრში, სადაც მას სამედიცინო შემოწმება ჩაუტარდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია