„საქართველოს მთავრობა პრაქტიკულად დაკავებულია არა ქვეყნის ეროვნული ინტერესების დაცვით საერთაშორისო ასპარეზზე, არამედ საერთაშორისო პარტნიორებთან ბიძინა ივანიშვილის ხუშტურების გამართლებით“, - ასე გამოეხმაურა „ევროპული საქართველოს“ წვერი სერგი კაპანაძე მთავრობის მიერ აშშ-ის ლობისტურ კომპანიასთან ხელშეკრულების გაგრძელებას.

დეპუტატის თქმით, არსებული პრობლემების მოსაგვარებლად არა ლობისტური კომპანიების დაქირავება, არამედ კონკრეტული ნაბიჯების გადადგმაა საჭირო.

„თქვენ ხედავთ, რომ საქართველოს მთავრობა პრაქტიკულად დაკავებულია არა ქვეყნის ეროვნული ინტერესების დაცვით საერთაშორისო ასპარეზზე, არამედ ბიძინა ივანიშვილის ხუშტურებისა და აქ დაშვებული მძიმე შეცდომების გამართლებით ჩვენს საერთაშორისო პარტნიორებთან. საქართველოს ხელისუფლებამ გადაწყვიტა, რომ ამაში გადასახადის გადამხდელის ფული დახარჯოს და ასე გაიძლიეროს თავისი პოზიციები. მთავარი კითხვების გასაქრობად, რომლებიც ჩვენს პარტნიორებს აწუხებს, რაც ეხება ძალაუფლების უზურპაციის მცდელობას და პოლიტიკური ოპონენტების დევნას, ამისთვის ლობისტებზე ფულის ხარჯვა კი არ არის საჭირო, საჭიროა ამ პრობლემების კონკრეტული გამოსწორება და ადგილზე ნაბიჯების გადადგმა“,- განაცხადა სერგი კაპანაძემ.

შეგახსენებთ, საქართველოს ხელისუფლებამ ლობისტურ კომპანია „Chartwell Strategy Group“-თან თანამშრომლობა განაახლა. ამის შესახებ ინფორმაციას აშშ-ის იუსტიციის დეპარტამენტი ავრცელებს. ხელშეკრულების ასლი, რომელიც აშშ-ის იუსტიციის ვებგვერდზეა გამოქვეყნებული, 2020 წლის 27 იანვრით არის დათარიღებული. ვებგვერდზე განთავსებული ინფორმაციის მიხედვით, დარეგისტრირებული პირი იმუშავებს აშშ-ისა და საქართველოს ორმხრივი ურთიერთობების განმტკიცებისთვის.

ავტორი: ექსპრესნიუსი,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს