აჭარის მთავრობის თავმჯდომარემ არჩილ ხაბაძემ სოფელ ქობულეთში ახლად დაგებული  გზის  მონაკვეთები მოინახულა, სადაც გრუნტის გზაზე ასფალტი პირველად დაიგო.

აჭარის მთავრობის ადმინისტრაციის პრესსამსახურის ინფორმაციით, სოფელ ქობულეთი-ჭანკურიძეების გზაზე დაიგო 2 100 მ ასფალტის საფარი, რომლის ღირებულებაც 335 923 ლარია. სამუშაოებზე 15 ადგილობრივი 2 თვის განმავლობაში იყო  დასაქმებული.

„შიდა გზების მოწესრიგება  და სასოფლო გზების პრობლემატური მონაკვეთების რეაბილიტაცია ეტაპობრივად ხორციელდება. წელს სოფლის მხარდაჭერის პროგრამის ფარგლებში დაგეგმილია 1610 კვ. მეტრ სიგრძის მონაკვეთზე ბეტონის საფარის გაკეთება.

ქობულეთი-ჭახათი-ცხემლვანას გზის მონაკვეთის  4 300 მ  გზაზე  ასფალტობეტონის დაგება მიმდინარეობს. ამ მიმართულებით არასოდეს ყოფილა ასფალტი და ადგილობრივები გრუნტის გზაზე გადადგილდებოდნენ. პროექტის  ღირებულება 1 339 790  ლარია. სამუშაოები  14 აპრილს  დაიწყო და   12 აგვისტოს დასრულდება. ობიექტზე 12 ადგილობრივია  დასაქმებული.

პარალელურად მიმდინარეობს წყალსადენი სისტემის მოწესრიგება. სოფლის მხარდაჭერის პროგრამით დაგეგმილია 6 500 გრძივი მეტრი სხვადასხვა ზომის მილების ახლით ჩანაცვლება. წყალსადენის რეაბილიტაციის შემდეგ პრობლემა საბოლოოდ მოგვარდება“, - აცხადებენ აჭარის მთავრობის ადმინისტრაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია