სოციალური დახმარების ახალ სისტემაში ცვლილებები შედის. ცვლილებები მარტოხელა პენსიონერებისთვის სოციალური დახმარების აღდგენასა და მათთვის ამ პერიოდის თანხების ანაზღაურებას ითვალისწინებს.

როგორც დღეს გამართულ ბრიფინგზე შრომის, ჯანმრთელობისა და სოციალური დაცვის მინისტრის მოადგილემ ზაზა სოფრომაძემ განაცხადა, ანალიზის შედეგად ახალ მეთოდოლოგიაში გარკვეული ხარვეზები გამოვლინდა, რაც გამოსწორდება.

სოფრომაძის თქმით, გამოვლინდა, რომ სისტემა, პირველ რიგში, მარტოხელა პენსიონერების გარკვეულ ნაწილს აზარალებს და პირებს, რომლებიც ამ დახმარებას იმსახურებენ, საარსებო შემწეობები აღუდგებათ. 

„სოციალური დახმარების ახალი სისტემა საპილოტე რეჟიმში ამუშავდა მაისში. მთელი ამ ხნის განმავლობაში მიდიოდა მუდმივი მონიტორინგი ახალ სისტემაზე და ანალიზის შედეგად დადგენილ იქნა, რომ სისტემა გარკვეულ კორექტირებას საჭიროებს. ახალი სისტემა ძირითადად ორიენტირებულია მრავალსულიან და ბავშვიან ოჯახებზე, რაც ჩვენი პარტნიორის, გაეროს ბავშვთა ფონდის ძირითადი რეკომენდაცია იყო. ანალიზის შედეგად დადგინდა, რომ ახალი სისტემა პირველ რიგში, მარტოხელა პენსიონერების რაღაც ნაწილს აზარალებს. იმისათვის რომ ეს თავიდან იქნას აცილებული, იდენტიფიცირებული იქნა პროგრამის სუსტი წერტილები და შეტანილი იქნება შესაბამისი ცვლილებები, რომლებიც განხილება მთავრობის უახლოეს სხდომაზე და დამტკიცების შემთხვევაში, 1 აგვისტოდან შევა ძალაში. ეს ცვლილება გულისხმობს, რომ გაიზრდება პენსიონერის შეფასების კრიტერიუმი, რაც საშუალებას მოგვცემს, აღვუდგინოთ დახმარება იმ პირებს, რომლებსაც ეს დახმარება დროებით შეუჩერდათ, პირებს, რომლებიც იმსახურებენ ამ დახმარებას და შეჩერებული ჰქონდათ დროებით ამ ხნის განმავლობაში. უფრო მეტიც, სახელმწიფო აუნაზღაურებს მარტოხელა პენსიონერებს იმ თვეების თანხებს, რა პერიოდშიც მათ საარსებო შემწეობის მიღება შეჩერებული ჰქონდათ“, - განაცხადა ზაზა სოფრომაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია