2019-11-25 21:40:06, 2587 ნახვა
სამართალი
„ოცნების“ ოფისთან დაკავებულ მოძრაობა „შეცვალეს“ 3 წევრს 2-2-დღიანი პატიმრობა შეეფარდა
თბილისის საქალაქო 21 ნოემბერს, „ქართული ოცნების“ ცენტრალურ ოფისთან გამართული აქციის დროს დაკავებულ მოძრაობა „შეცვალეს“ წევრები ადმინისტრაციულ სამართალდამრღვევად სცნო.
მოსამართლე ნათია მერაბიშვილმა ოთარ შენგელიას, ნიკა ფარულავას და ბექა პაპაშვილს 2-2-დღიანი ადმინისტრაციული პატიმრობა შეუფარდა.
პროცესზე შსს-ს წარმოამდგენლებმა ვიდეომტკიცებულებები წარმოადგინეს. მათ აღნიშნეს, რომ დაკავებულები უწმაწურ სიტყვებს იყენებდნენ.
რაც შეეხება დაცვის მხარეს, ადვოკატმა გოგა ონიანმა აღნიშნა, რომ სიცრუეა, თითქოს მისი დაცვის ქვეშ მყოფები უწმაწურ ლექსიკას იყენებდნენ. მანვე განმარტა, რომ არ შეიძლება, პოლიტიკური მესიჯები უწმაწურ სიტყვებად ჩაითვალოს.
ავტორი: ექსპრესნიუსი,
epn.ge (@expressnews.ge)
