ბათუმის სასწრაფო-სამედიცინო დახმარების ცენტრმა ახალი ტექნიკა შეიძინა.

აჭარის ჯანდაცვის სამინისტროს ინფორმაციით, 4 ერთეული მაღალი გამავლობის, ტოიოტას ფირმის მანქანა აღჭურვილია ყველა საჭირო მოწყობილობით.

ამით ბათუმის სასწრაფო-სამედიცინო დახმარების ცენტრის ავტოპარკი სრულად განახლდა. აღნიშნული ტექნიკის ღირებულება 574 ათას ლარს შეადგენს.

ავტონამქანების ცენტრზე გადაცემის პროცესს აჭარის ა/რ ჯანმრთელობისა და სოციალური დაცვის მინისტრი, ზაალ მიქელაძე, ქ. ბათუმის მერი, ლაშა კომახიძე და მერის მოადგილე, ლელა სურმანიძე დაესწრნენ.

"ბათუმის გადაუდებელი სასწრაფო სამედიცინო დახმარების ცენტრი ახალი ავტომობილებით სრულყოფილ დახმარებას აღმოუჩენს მოსახლეობას. განსაკუთრებული პრობლემები ამ მხრივ შემოერთებულ ტერიტორიებზე, განსაკუთრებით კი ხელვაჩაურის მუნიციპალიტეტეში გვქონდა, სადაც ზოგიერთ დასახლებებში ჩვეულებრივი მანქანებით მისვლა განსაკუთრებით ზამთრის უამიდობის დროს ჭირდა" - აღნიშნა ზაალ მიქელაძემ.

ამ დროისთვის ბათუმის მოსახლეობას თანამედროვე აპარატურით აღჭურვილი 13 ბრიგადა ემსახურება.

ბრიგადების დამატება წელიწადში 2-ჯერ, ზამთრისა და ზაფხულის სეზონზე, გამოძახებების რიცხვის გაზრდასთან დაკავშირებით ხდება.

(NS)

ავტორი: ექსპრესნიუსი,

სოციალური ქსელები

რუსეთი შავ ზღვაში თურქულ გემს თავს დაესხა, რასაც მსხვერპლი მოჰყვა

ერთი მოწვევა, ორი საჩუქარი - ახალი შესაძლებლობა თიბისის მობაილბანკში

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება