საქართველოს პრემიერ–მინისტრმა ირაკლი ღარიბაშვილმა ევროსაბჭოს პრეზიდენტთან დონალდ ტუსკთან ბოლო დროს, რუსეთის მიერ განხორციელებული ოკუპანტური ქმედებები განიხილა.

პრემიერმა ცხინვალის რეგიონში რუსეთის მიერ საოკუპაციო ზოლის გადმოწევას პროვოკაცია უწოდა და აღნიშნა, რომ ამ მოვლენას საქართველოს მთავრობა პრინციპულად, მაგრამ მშვიდად შეხვდა.

„ჩვენ  განვიხილეთ ბოლო დროს განვითარებული მოვლენები საოკუპაციო ხაზთან.  მე კიდევ ერთხელ, საქართველოს სახელით გამოვხატე შეშფოთება და მინდა კიდევ ერთხელ აღვნიშნო, ეს არის პროვოკაცია, რომელსაც საქართველოს მთავრობა, მტკიცედ, პრინციპულად , მაგრამ მშვიდად შეხვდა. თუმცა, რა თქმა უნდა ჩვენი საერთო მიზანია, რომ არ წამოვეგოთ ამ პროვოკაციებს და არ მივცეთ საბაბი არავის, ამ დეესკალაციის", – აღნიშნა პრემიერმა დონალდ ტუსკთან ერთად მთავრობის ადმინისტრაციაში გამართულ ერთობლივ ბრიფინგზე.  

ცნობისთვის, 10 ივლისს, რუსეთის საოკუპაციო ძალების მიერ, გორის რაიონის სოფელ წითელუბნისა და ოკუპირებული ახალგორის რაიონის სოფელ ორჭოსანის მიმდებარე ტერიტორიაზე, თბილისი-გორის ცენტრალური ავტომაგისტრალის სიახლოვეს ე.წ. ,,საზღვრის“ აღმნიშვნელი ბანერები უკანონოდ იქნა აღმართული. ორივე ტერიტორიის სიახლოვეს ბაქო-სუფსას მილსადენის გარკვეული სეგმენტები მდებარეობს და განხორციელებული უკანონო ქმედებით სოფელ ორჭოსანის მიმდებარე ტერიტორიაზე ნავთობსადენის გარკვეული ნაწილი ოკუპირებულ ტერიტორიაზე მოექცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა