საქართველოს ნეონატოლოგთა ასოციაციის და კომპანია „Nestle“-ს ორგანიზებით ქ. ქობულეთში სასტუმრო „ჯორჯიან პალასში“ 9 დღის განმავლობაში საერთაშორისო კონფერენცია „სიცოცხლის 1000 დღე“ მიმდინარეობდა.

აჭარის ჯანდაცვის სამინისტროს ინფორმაციით, კონფერენციას საქართველოდან, აზერბაიჯანიდან და სომხეთიდან 200-ზე მეტი ექიმი ესწრებოდა.

კონფერენციის დასრულების შემდეგ, მონაწილეებს სერთიფიკატები გადეცათ. პროცესს აჭარის ა/რ ჯანმრთელობისა და სოციალური დაცვის მინისტრის პირველი მოადგილე ლევან გორგილაძე, ჯანმრთელობის დაცვის დეპარტამენტის უფროსი მანანა ფაღავა და პროგრამების მართვისა და სამედიცინო მომსახურების განყოფილების უფროსი ირმა შოთაძე ესწრებოდნენ.

კონფერენციაზე განიხილებოდა საქართველოს ნეონატოლოგთა ასოციაციის ინიციატივით, მომზადებული ექიმთა დიპლომის შემდგომი უწყვეტი სამედიცინო განათლების პროგრამა “სიცოცხლის პირველი 1000 დღე”.

სიცოცხლის პირველი 1000 დღე – როგორც უმნიშვნელოვანესი ეტაპი ნაყოფისა და ადრეული ასაკის ბავშვის ცხოვრებაში, წარმოადგენს ადამიანის ჯანმრთელობის საფუძველს მთელი სიცოცხლის განმავლობაში და განაპირობებს მრავალი დაავადების განვითარების თუ პრევენციის მიზეზს.

ამასთან დაკავშირებით, ჯანმოს უახლესმა ასამბლეამ შემდგომი 20 წელი გამოაცხადა ჯანმრთელობის “პროგრამირების” წლებად და ხაზი გაუსვა სიცოცხლის პირველი 1000 დღის მნიშვნელობას. აღნიშნულ ასამბლეაზე ჯანმოს გენერალურმა მდივანმა აღნიშნა, რომ პლანეტის დაავადებების 80% შექცევადია. ამათი პრევენციის უმთავრეს საფუძველს კი სწორედ ჩასახვიდან პირველი 1000 დღე განსაზღვრავს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია