„საყდრისი–ყაჩაღიანის არქეოლოგიური მემკვიდრეობა სრულიად განადგურებულია“, – ამის შესახებ კულტურისა და ძეგლთა დაცვის მინისტრის ყოფილმა მოადგილემ მარინე მიზანდარმა „რედისონში“ ჟურნალისტებს განუცხადა, სადაც ახალგაზრდა იურისტთა ასოციაციამ ახალი კვლევა „საყდრისი–ყაჩაღიანი – ნგრევა კანონის სახელით“ წარადგინა. 

მიზანდარის შეფასებით, დღევანდელი ხელისუფლების ხედვაა, ინვესტიციის მოზიდვის საბაბით, საქართველოს კულტურული მემკვიდრეობა განადგურდეს. 

„სამწუხაროდ, საყდრისი–ყაჩაღიანის არქეოლოგიური მემკვიდრეობა სრულიად განადგურებულია. ვფიქრობ, ეს არის უმძიმესი დანაკლისი, მთელი ქვეყნისთვის და ჩვენი საზოგადოებისთვის. მაგრამ, ეს არ ნიშნავს, რომ ბრძოლა არ უნდა გაგრძელდეს, რადგან საბრძოლო ობიექტები ბევრია, დავიწყოთ ძველი თბილისით, იგივე მირზა შაფის ქუჩის განაშენიანების პრობლემით, თბილისი პანორამას პროექტით და ა.შ. დღევანდელი სახელმწიფო ხედვა გულისხმობს, რომ ინვესტიციის მოზიდვის საბაბით, შეიძლება ჩვენი კულტურული მემკვიდრობა განადგურდეს, რაც სრულიად დაუშვებელია.  ჩვენ არ უნდა დავანგრიოთ ჩვენი კულტურული მემკვიდრეობა, ჩვენ უნდა გადავარჩინოთ  და პირევლ რიგში ეს არის ჩვენი ხელისუფლების, საქართველოს დღევანდელი მთავრობის ვალდებულება, თავისი ქვეყნის და მომავალი თაობების წინაშე“, – აღნიშნა მიზანდარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია