ეკონომიკისა და მდგრადი განვითარების მინისტრის მოადგილე ნიკოლოზ ალავიძემ წყალტუბოში ბალნეოლოგიურ-გამაჯანსაღებელი სანატორიუმის გახსნაში მიიღო მონაწილეობა, რომელიც სახელმწიფო პროგრამის „აწარმოე საქართველოში" მხარდაჭერით აშენდა. პროექტის განხორციელებაში დაახლოებით 10 მლნ ლარის ინვესტიცია განხორციელდა. სანატორიუმში, სადაც 72 ოთახია, 170 ადამიანი დასაქმდა. პროექტის ინვესტორია კომპანია „ბ & ნ".  

ბალნეოლოგიურ-გამაჯანსაღებელი სანატორიუმი მოიცავს სასტუმროს, რესტორანსა და საკონფერენციო სივრცეს, ასევე გამაჯანსაღებელ-სარეაბილიტაციო ცენტრს, სადაც სტუმრებს საშუალება ექნებათ, პროფესიონალ ექიმ-სპეციალისტთა მეთვალყურეობის ქვეშ ჩაიტარონ როგორც სამედიცინო-სამკურნალო პროცედურები, ასევე ისარგებლონ მრავალფეროვანი სარელაქსაციო, სპა მომსახურებით.

აღსანიშნავია, რომ სანატორიუმის ოფიციალური გახსნა სახალხო დღესასწაულის „შემოდგომის წყალტუბოს" დაემთხვა, რომლის დროსაც ქალაქის ცენტრალურ პარკში ჩატარდა განახლებული შადრევნების გახსნის ცერემონიაც. აღნიშნული პროექტი მუნიციპალური განვითარების ფონდიდან მილიონ 700 ათასი ლარით დაფინანსდა. 

(NS)

ავტორი: ექსპრესნიუსი,

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს