საქართველოს პრეზიდენტი გიორგი მარგველაშვილი ფრანგ კოლეგას ფრანსუა ოლანდს საფრანგეთის რესპუბლიკის ეროვნულ დღესასწაულს ულოცავს.

„ბატონო პრეზიდენტო, ქართველი ხალხისა და პირადად ჩემი სახელით გილოცავთ საფრანგეთის რესპუბლიკის ეროვნულ დღესასწაულს - ბასტილიის აღების დღეს.

14 ივლისი ის ღირსშესანიშნავი თარიღია, როდესაც ქართველი ხალხი და პირადად მე გამოვხატავთ განსაკუთრებულ პატივისცემას საფრანგეთისა და ფრანგი ხალხის მიმართ და კიდევ ერთხელ გიდასტურებთ ჩვენს მტკიცე მეგობრობას.

დღევანდელი დღის მნიშვნელობა განუზომლად დიდია მსოფლიო ისტორიაში. თქვენი ეროვნული დღესასწაული ძვირფასია ყველასთვის, ვინც იზიარებს დემოკრატიულ ღირებულებებს და აღიარებს მათ ცხოვრების მრწამსად.

14 ივლისი საფრანგეთის  დემოკრატიული და ლიბერალური სახელმწიფოს აღმშენებლობის დაწყების სიმბოლოა. ეს არის მოდელი, რომელიც მაგალითს წარმოადგენს იმ ქვეყნებისთვის, რომლებიც საქართველოს მსგავსად აშენებენ და აძლიერებენ საკუთარ დემოკრატიას.

ბატონო პრეზიდენტო, ეს დღე კიდევ ერთხელ მაძლევს შესაძლებლობას, რათა გამოვხატო ჩემი მადლიერება თქვენადმი, ასევე ფრანგი ხალხისადმი ამ რთულ პერიოდში საქართველოს სუვერენიტეტისა და ტერიტორიული მთლიანობის და ასევე ევროპულ და ევროატლანტიკურ სტრუქტურებში ჩვენი ინტეგრაციის მხარდაჭერისთვის.

ბატონო პრეზიდენტო, კიდევ ერთხელ მინდა მთელი გულით გისურვოთ მშვიდობა, კეთილდღეობა და წარმატებები თქვენ და თქვენს მშვენიერ ქვეყანას“, - ნათქვამია გიორგი მარგველაშვილის მილოცვაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია