შუახევის მერმა ფრიდონ ფუტკარაძემ საკრებულოს წევრთან გურამ ზოიძესთან ერთად დაბა შუახევის საჯარო სკოლის კურსდამთავრებულ ანა დავითაძეს ერთიან ეროვნულ გამოცდებში მიღწეული წარმატება მიულოცა და სიმბოლური საჩუქარი გადასცა.

ანა კლასში გამორჩეული მოსწავლე იყო და სკოლაც წარმატებით დაამთავრა. მონაწილეობდა სხვადასხვა საგნობრივ ოლიმპიადებში და პროექტებში. მიღებული აქვს შესაბამისი დიპლომები და სერთიფიკატები. შედეგმაც არ დააყოვნა და აბიტურიენტი ილიას სახელმწიფო უნივერსიტეტის მეცნიერებათა და ხელოვნების ფაკულტეტის სტუდენტი გახდა. მან სახელმწიფო გრანტი 50% - იანი დაფინასებით მიიღო. ახარებს ისიც, რომ მისი მეგობრები მომავალ სასწავლო წელს ახლად აშენებულ დაბის საჯარო სკოლაში გაგრძელებენ სწავლას და ახალი ინფრასტრუქტურით ისარგებლებენ.

 „მინდა ანას და ყველა კურსდამთავრებულს მივულოცო სტუდენტობა. ეს არის თქვენი ცხოვრების ყველაზე კარგი და საინტერესო ეტაპის დასაწყისი. თქვენს ცოდნაზე, მონდომებასა და შრომისმოყვარეობაზეა დამოკიდებული, როგორი იქნება საქართველოს მომავალი. გისურვებთ წარმატებებს და მჯერა ასახელობთ, როგორც ჩვენს მუნიციპალიტეტს ასევე რეგიონს. ახლო მომავალში დაგეგმილ გვაქვს სტუდენტური შეხვედრა, სადაც მუნიციპალიტეტის მასშტაბით სხვადასხვა სასწავლებლების სტუდენტებს მოვიწვევთ და მათთვის მოვაწყობთ საზეიმო ღონისძიებას“, - აღნიშნა ფრიდონ ფუტკარაძემ.

მიმდინარე საგამოცდო წელს 85 აბიტურიენტი სტუდენტი გახდა. მათგან 70% სახელმწიფო გრანტი საქართველოს საპატრიარქოს ხიჭაურის წმიდა გრიგოლ ხანძთელის სახელობის სკოლის მოსწავლე მარიამ შანიძემ მიიღო. 50% დაფინანსდა დღვანის, ნიგაზეულისა და ოლადაურის საჯარო სკოლის კურსდამთავრებულები ქეთი ფუტკარაძე, ნინო სირაძე და ნინო დავითაძე გახდნენ.

(NS)

ავტორი: ექსპრესნიუსი,

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანას იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს