თბილისში 13 ივნისს მომხდარი სტიქიის შედეგების ლიკვიდაციაში აქტიური მონაწილეობისთვის, 6 605-მა საჯარო მოხელემ საქართველოს პრემიერ-მინისტრ ირაკლი ღარიბაშვილის მადლობის სიგელი მიიღო, 40 კი - სახელმწიფო ჯილდოზეა წარდგენილი.

მთავრობის ადმინისტრაციის პრესსამსახურის ინფორმაციით, სახელმწიფო ჯილდოს მისაღებად პრემიერმა პრეზიდენტს შინაგან საქმეთა და თავდაცვის სამინისტროების 40 თანამშრომელი წარუდგინა.

მადლობის სიგელები კი გადაეცათ თბილისის მერიის, თავდაცვის, შინაგან საქმეთა, ჯანდაცვის, იუსტიციის, რეგიონული განვითარებისა და ინფრასტრუქტურის, დიასპორის, ეკონომიკის, ლტოლვილთა და განსახლების, სპორტისა და ახალგაზრდობის, საგარეო საქმეთა, გარემოს დაცვის, ფინანსთა და ენერგეტიკის სამინისტროების წარმომადგენლებს; ასევე, უსაფრთხოებისა და კრიზისების მართვის საბჭოს, რელიგიის საკითხთა სახელმწიფო სააგენტოს, სამხარაულის სახელობის ექსპერტიზის ეროვნული ბიუროს, შესყიდვებისა სახელმწიფო სააგენტოსა და სახელმწიფო დაცვის სპეციალური სამსახურის თანამშრომლებს.

სტიქიიდან ერთი თვის თავზე, მთავრობის მეთაური, სახელმწიფოს გვერდით დგომისთვის, კიდევ ერთხელ მადლობას უხდის ყველა ადამიანს, ვინც წვლილი შეიტანა სტიქიის შედეგების დროულ და ეფექტურ ლიკვიდაციაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია