დონალდ ტრამპმა „თალიბანთან“ სამშვიდობო მოლაპარაკებები გააუქმა

2019-09-08 12:56:31, 5680 ნახვა

მსოფლიო

ამერიკის შეერთებული შტატების პრეზიდენტის დონალდ ტრამპის ინფორმაციით, რადიკალურ მოძრაობა „თალიბანთან“ მოლაპარაკებები ჩაიშალა, - ამის შესახებ თეთრი სახლია ლიდერი Twitter-ზე წერს.

ტრამპის განმარტებით, მოლაპარაკებების ჩაშლა მას შემდეგ გადაწყვიტა, რაც დაჯგუფებამ ქაბულში მომხდარ თავდასხმაზე პასუხისმგებლობა აიღო.

"დღეს ავღანეთში ქვეყნის პრეზიდენტს და „თალიბანის“ ლიდერებს უნდა შევხვედროდი. შეხვედრა გასაიდუმლოებული იყო. ისინი ამერიკაში უნდა ჩამოსულიყვნენ, თუმცა მას შემდეგ რაც ყალბი ბერკეტების შესაქმნელად მათ ქაბულში მომხდარ თავდასხმაზე პასუხისმგებლობა აიღეს, შეხვედრები გავაუქმე და მოლაპარაკებების პროცესი ჩავშალ. როგორ შეიძლება ამდენი ადამიანი მხოლოდ იმიტომ მოკლა, რომ საკუთარი პოზიცია გაამყარო? მათ მოკლეს ჩვენი ძალიან კარგი ჯარისკაცი და კიდევ 11 ადამიანი. თუ ასეთი მნიშვნელოვანი მოლაპარაკებების დროს ცეცხლს ვერ წყვეტ, სავარაუდოდ, არ ხარ უფლებამოსილი შინაარსობრივი შეთანხმების შესახებ სალაპარაკოდ. კიდევ რამდენიმე წელი უნდა იომონ?“, - წერს ტრამპი.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან