განათლების საერთაშორისო ცენტრის ადმინისტრაცია საქართველოს პრემიერ-მინისტრ ირაკლი ღარიბაშვილის ინიციატივით შექმნილ საჯარო მოხელეთა მომზადების სკოლასთან დაკავშირებით განცხადებას ავრცელებს.

როგორც განცხადებაშია აღნიშნული, განათლების საერთაშორისო ცენტრში ექსპერტთა საბჭო შეიქმნება და ქვეყანაში არსებული ყველა ანალოგიური რესურსის კონსოლიდირება მოხდება.

„საქართველოს პრემიერ-მინისტრ ირაკლი ღარიბაშვილის ინიციატივით შექმნილი საჯარო მოხელეთა მომზადების სკოლა საჯარო სამსახურის განვითარებისა და საჯარო მმართველობის რეფორმის ერთ-ერთ ინსტრუმენტად უნდა იქცეს.

აღნიშნული სკოლის შექმნა დაეფუძნა საერთაშორისო პრაქტიკას, ვინაიდან ევროკავშირის თითქმის ყველა წევრ სახელმწიფოში ( დიდი ბრიტანეთი, გერმანია, ესტონეთი, საფრანგეთი, ლატვია, ავსტრია, პოლონეთი) საჯარო სამსახურის რეფორმის ფარგლებში  ფუნქციონირებს საჯარო მოხელეთა გადამზადების სკოლა და მათი უმრავლესობა მთავრობის ადმინისტრაციის დაქვემდებარებაში შედის.

ასევე ვითვალისწინებთ, რომ საქართველოში წლებია ფუნქციონირებს რამდენიმე  სახელმწიფო თუ კერძო საგანმანათლებლო დაწესებულებება  და ტრენინგცენტრი,  რომლებიც სახელმწიფო მმართველობასა და მომიჯნავე დარგებში კადრების პროფესიულ მომზადებას უზრუნველყოფენ.  მათი გამოცდილების გაზიარებისა  და  კოორდინირებისათვის  განათლების საერთაშორისო ცენტრში შეიქმნება ექსპერტთა საბჭო, მოხდება ქვეყანაში არსებული ყველა ანალოგიური რესურსის კონსოლიდირება,  გაიწერება სამოქმედო გეგმა და თემატური და პროფილური მოდულების სწავლების პროცესში ჩაერთვებიან   მსგავსი პროფილის მქონე  დაწესებულებები. იმედს გამოვთქვამთ, რომ სახელმწიფო და კერძო სტრუქტურებს შორის მჭიდრო თანამშრომლობა დაგვეხმარება  ქვეყნისთვის უმნიშვნელოვანესი საჯარო სამსახურის რეფორმის განხორციელებაში.

სკოლამ ფუნქციონირება "საჯარო სამსახურის შესახებ"  ახალი კანონის ამოქმედების პერიოდიდან უნდა დაიწყოს“, - ნათქვამია განათლების საერთაშორისო ცენტრის ადმინისტრაციის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია