მდინარაძე: საზოგადოების ნაწილი ჩამოყალიბებულია, რომ „გავრილოვის რევოლუცია“ საქართველოში არ შედგა

2019-09-03 10:46:30, 1379 ნახვა

პოლიტიკა

„ნაცმოძრაობის“ მიერ ორგანიზებული აქციები მმართველ პარტიაში გადაწყვეტილების საფუძველი ვერ იქნება, - ამის შესახებ ფრაქცია „ქართული ოცნება - დემოკრატიული საქართველოს“ თავმჯდომარე მამუკა მდინარაძემ ჟურნალისტებს პოლტისაბჭოს დასრულების შემდეგ განუცხადა.

როგორც მდინარაძემ აღნიშნა, საზოგადოების ნაწილი ჩამოყალიბებულია, რომ „გავრილოვის რევოლუცია“ საქართველოში არ შედგა

„მე ვფიქრობ, რომ საზოგადოების უდიდესი ნაწილი ჩამოყალიბებულია, რომ გავრილოვის რევოლუცია საქართველოში არ შედგა. ამ არშემდგარი რევოლუციის წარმომადგენლები იყვნენ „ნაციონალური მოძრაობის“ წარმომადგენლები. შესაძლებელია, რომ მართლაც არიან ახალგაზრდები, რომლებიც გულწრფელად აღიარებენ გარკვეულ მოვლენებს, მაგრამ „ნაციონალური მოძრაობის“ მიერ დაორგანიზებული აქციები გადაწყვეტილების საფუძველი, მმართველ პარტიაში ბუნებრივია ვერ იქნება“, - განაცხადა მამუკა მდინარაძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან