„საკმაოდ მნიშვნელოვანი მიზანი და ამოცანაა, რომ მილიონზე მეტი რუსეთში მცხოვრები ჩვენი თანამემამულე შეძლებს, რომ თავისუფლად ჩამოვიდეს საქართველოში და არ შეეჯახოს იმ პრობლემას, რომელიც ხელოვნურად შეიქმნა“, - ამის შესახებ ეკონომიკისა და მდგრადი განვითარების მინისტრმა ნათია თურნავამ რუსეთიდან და საქართველოდან ერევნის გავლით ფრენების სუბსიდირებაზე საუბრისას განაცხადა.

როგორც მინისტრმა აღნიშნა, ამ ინიციატივას თავიდანვე არასწორი ინტერპრეტაცია მიეცა.

„ვფიქრობ, საკმაოდ დიდი მიზანი და ამოცანაა, მათ შორის სოციალური თემაც იყო. თავიდანვე არასწორი ინტერპრეტაცია მიეცა ამ გადაწყვეტილებას. ეს არის ის პრაქტიკა მარკეტინგული მხარდაჭერა, რომელსაც ჩვენ დროდადრო მივმართავთ. ეს არ ხდება სახელმწიფო ბიუჯეტიდან, ამას აკეთებს ჩვენი აეროპორტების გაერთიანების კომპანია, დროდადრო მიმართავს სხვადასხვა მიმართულებაზე მგზავრთა ნაკადების მხარდაჭერის თვალსაზრისით“, - აცხადებს თურნავა.

ცნობისთვის, საქართველოს მთავრობის 24 ივლისის დადგენილებით, საქართველოდან ერევნის გავლით რუსეთის მიმართულებით და პირიქით განხორციელებული ფრენების დასაფინანსებლად ბიუჯეტიდან 600 000 ევრომდე გამოიყოფა.

ამასთან, რუსეთის ტუროპერატორები ტურისტებს ერევნის გავლით საქართველოს სუბსიდირებულ სატრანზიტო ფრენების ვაუჩერს არ შესთავაზებენ. 

ავტორი: ექსპრესნიუსი,

სოციალური ქსელები

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა

საქართველოს ბანკის ორგანიზებით, ბათუმში ბიზნესებისთვის EBRD-ის მხარდამჭერ პროგრამებზე შეხვედრა გაიმართა

ფილმი „მაიკლი“ ყველა დროის ყველაზე მაღალშემოსავლიან ბიოგრაფიულ ფილმად იქცა