ვუდროუ უილსონის ცენტრის მკვლევარი ნინა იანკოვიჩი აცხადებს, რომ საქართველოში რუსი დეპუტატის სერგეი გავრილოვის ვიზიტი და პარლამენტის თავმჯდომარის სავარძლის დაკავება კრემლის რბილი ზალის მაგალითია.

ანალიტიკოსისთვის გაუგებარია, თუ რატომ ჩატარდა მართლამდიდებლობის საპარლამენტტაშორისო ასამბლეა საქართველოში, მაშინ როდესაც ქვეყნის ტერიტორიების 20% რუსეთის მიერ არის ოკუპირებული. მკვლევარის განმარტებით, ხსენებული ასამბლეა რუსეთის რბილი ძალის ერთ-ერთი ინსტრუმენტია.

"საქართველოში ვიყავი როდესაც პროტესტი დაიწყო. რუსი დეპუტატის სპიკერის სავარძელში ჯდომა არის რუსეთის რბილი ძალის გაფართოება, რასაც მცოცავი სახით ბოლო 8 წელია ვხედავთ, ხალხის რეაქცია კი, არის რეაქცია რუსეთის მიმართ "ქართული ოცნების" ღია კარის პოლიტიკაზე. როგორ შეიძლება ტერიტორიების 20% ოკუპირებული იყოს და მთავრობა კვლავ უშვებდეს მართლმადიდებლობის საპარლამენტთაშორისო ასამბლეის ჩატარებას. როგორც ვიცით, ეს რუსეთის რბილი ძალის ვექტორია, თავისი "რუსკი მირით" და მართლმადიდებლური ეკლესიით. საკმაოდ რთული საკითხია რა თქმა უნდა, არ მშურს "ქართული ოცნების" - მან უნდა ეცადოს დააბალნსოს ვაჭრობა და პოლიტიკური საკითხები, თუმცა ვიცით, რომ ეს ჰიბრიდული იარაღი საზოგადოების ყველა ემენტს მოიცავს, კულტურულს, რელიგიურს, ეკონომიკურს და პოლიტიკურს. ჩვენ მთელი ეს პაკეტი უნდა განვიხილოთ, როდესაც მას ვუპირისპირდებით. უამრავი საკანონმდებლო და კულტურული აქტივობებია "რუსკი მირის" ქოლგის ქვეშ, რომელიც იარაღად იყენებს ისტორიას, რუსეთსა და საქართველოს შორის საერთო კულტურულ კავშრებს. რა თქმა უნდა ყველას სურს ერთ დღეს ამის ნორმალიზება, მაგრამ ფაქტია, ვიდრე რუსეთი, აფხაზეთის და სამხრეთ ოსეთის დეოკუპაციას არ მოახდენს ეს არ მოხდება", - განაცხადა იანკოვიჩმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს