ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე სამუშაო ვიზიტით  ამერიკის შეერთებულ შტატებში, ვაშინგტონში გაემგზავრა.

ამის შესახებ „ექსპრესნიუსს“ სახელმწიფო მინისტრის აპარატიდან აცნობეს.

მათივე ინფორმაციით, ვიზიტის ფარგლებში დაგეგმილია სახელმწიფო მინისტრის შეხვედრები  შეერთებული შტატების აღმასრულებელი და საკანონმდებლო ხელისუფლების წარმომადგენლებთან, კერძოდ, დავით ბაქრაძევიზიტის ფარგლებში სენატისა და კონგრესის წარმომადგენლებს შეხვდება. ასევე, დაგეგმილია სახელმწიფო მინისტრის შეხვედრები სახელმწიფო დეპარტამენტში, უშიშროების საბჭოში,საერთაშორისო არასამთავრობო ორგანიზაციების წარმომადგენლებთან და დისკუსია მრგვალი მაგიდის ფორმატში ატლანტიკურ საბჭოში.

შეხვედრებზემხარეები საქართველოსა და აშშ-ს შორის ორხმრივი თანამშრომლობის პრიორიტეტებსა და პერსპექტივებზე იმსჯელებენ. ორმხრივი შეხვედრების ფარგლებში, ასევე,განიხილება რეგიონში უსაფრთხოების კუთხით არსებული ვითარება, საქართველოს ევროპული და ევროატლანტიკური ინტეგრაციის პროცესი და არსებული გამოწვევები.

ვიზიტის ფარგლებში, აგრეთვე, დაგეგმილია სახელმწიფო მინისტრის ინტერვიუები საერთაშორისო და ადგილობრივი მედიის წარმომადგენლებთან.

ამერიკის შეერთებული შტატებიდან დავით ბაქრაძე სამუშაო ვიზიტით კანადაში გაემგზავრება, სადაც ორმხრივ შეხვედრას გამართავს კანადის საგარეო საქმეთა მინისტრთან რობ ნიკოლსონთან. ქ.ტორონტოში, ასევე, დაგეგმილია სახელმწიფო მინისტრის შეხვედრა სტრატეგიული კვლევითი ინსტიტუტების წარმომადგენლებთან. ღონისძიება ატლანტიკურ საბჭოში გაიმართება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი: ელენე ხოშტარიას, სასწრაფო სასიცოცხლოდ მნიშვნელოვანი სამედიცინო დახმარება სჭირდება

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!

გვარამიას თქმით, მოსამართლემ არ დააკმაყოფილა ხოშტარიას მდგომარეობის შესწავლის შუამდგომლობა

ზელენსკი: თუ უკრაინა იწვის, თქვენი მოსკოვიც დაიწვება - დადგა დრო, დასრულდეს ეს აგრესია