20-21 ივნისის მძიმე ვითარებას პასუხი უნდა გაეცეს და ამაში მე პოლიტიკური დევნის ვერანაირ ნიშანს ვერ ვხედავ, - ასე უპასუხა საპარლამენტო უმრავლესობის ლიდერმა გია ვოლსკიმ ოპოზიციის ბრალდებებს იმის თაობაზე, რომ პროკურატურის მხრიდან  20-21 ივნისის მოვლენების სახელმწიფო გადატრიალებად კლასიფიცირება, ფაქტობრივად,  პოლიტიკურ დევნას უდრის.

ვოლსკი აღნიშნავს, რომ ხელისუფლების გადატრიალებით შეცვლის თაობაზე ოპოზიციის ლიდერებს განცხადება არაერთხელ გაუკეთებიათ.

„2014 წლიდან ჩვენ ინტენსიურად გვესმის ეს, რომ არავითარი არჩევნები, ხელისუფლების ცვლილება ძალადობრივად უნდა მოხდეს. სააკაშვილიდან დაწყებული, დამთავრებული რიგით წევრზე, „ნაციონალური მოძრაობა“ მყავს მხედველობაში და ახალი „ნაციონალურ მოძრაობა“. ასე, რომ გასაკვირი არაფერი არ არის იმაში, რომ სამართალდამცავებს აინტერესებთ  კონკრეტულ შეკითხვებზე კონკრეტული პასუხები და ეს არ ნიშნავს იმას, რომ მაინცდამაინც ისე გადაწყდება, ვთქვათ, როგორც პოლიტიკურად ან ერთი ან მეორე ჯგუფი ამბობს. ფაქტია, რომ ძალიან მნიშვნელოვანი, ძალიან მძიმე სურათი შეიქმნა 20-21 ივნისს და ამას პასუხი უნდა გაეცეს და მე აქ პოლიტიკური დევნის ვერანაირ ნიშანს ვერ ვხედავ“, - განაცხადა გიორგი ვოლსკიმ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს