„ტურისტული პოლიტიკის თითოეული ჩვენი პროგრამა არის მიმართული იქითკენ, რომ საქართველოს რაც შეიძლება მეტი ტურისტი ეწვიოს ყველა ქვეყნიდან, მათ შორის, რა თქმა უნდა, ევროპიდან. მოგეხსენებათ, ავიაკომპანია „ვიზეარმა" გააფართოვა ფრენები - 12 ახალი პირდაპირი რეისი ევროპის მიმართულებით არის ძალიან კარგი შესაძლებლობა  იმისთვის, რომ ბევრი ქვეყნიდან, მათ შორის ევროპიდან ტურისტი ჩამოვიდეს" - განაცხადა ნათია თურნავამ მედიის წარმომადგენლებთან.

ჟურნალისტის კითხვაზე, ხომ არ იგეგმება სექტორში მოსალოდნელი დანაკლისის ევროპელი ტურისტებით ჩანაცვლება, მინისტრმა განმარტა, რომ ჩანაცვლებაზე კი არა, უნდა ვისაუბროთ, ზოგადად, ტურისტების რიცხვის ზრდაზე და დავრჩეთ ისევ ისეთი ნაირფეროვანი ბაზარი და ქვეყანა ვიზიტორებისთვის, როგორებიც ვართ.

„ჩვენთან უნდა ჩამოვიდეს ევროპელი, რუსი, ყაზახი, ჩინელი თუ სხვა ქვეყნის ტურისტი და ღია ვართ მათ მისაღებად.  ვიცით სხვადასხვა ქვეყნის ტურისტის მიდგომა - მაგალითად, ევროპელი არ არის ისეთი ყაიდის ტურისტი, რომელიც ბოლო მომენტში გეგმავს ვიზიტს, აქედან გამომდინარე, თუ გვაინტერესებს სიმართლე, წლის ბოლომდე რაიმე ჩანაცვლებაზე საუბარი იქნება მიამიტობა. ზოგადად, კიდევ ერთხელ  ვამბობთ, რომ ჩვენს ბაზარზე ადგილი მოიპოვება ყველასთვის - მათ შორის რუსი და ევროპელი ტურისტებისთვის"  - განაცხადა ეკონომიკისა და მდგრადი განვითარების მინისტრმა.

(NS)

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს