„თუ ეს ტყვიები არის ლეტალური, მაშინ ეს არის ჩემი პასუხისმგებლობა და მე პასუხს ვაგებ კანონის წინაშე“, - ასე უპასუხა შინაგან საქმეთა მინისტრმა გიორგი გახარიამ „რუსთავი 2“-ის ჟურნალისტის შეკითხვას, რატომ ისროლეს აქციის დარბევისას ტყვიები, რომლებიც შესაძლოა, ადამიანის სიკვდილს იწვევდეს.

შს მინისტრის განმარტებით, არ აქვს მნიშვნელობა ვინ გასცა ბრძანება 20 ივნისის ღამეს რეზინის ტყვიების გამოყენებაზე, მიუხედავად ამისა, ყველაფერზე პასუხისმგებლობა მას ეკისრება.

 „რასაც თქვენ ბრძანებთ ახლა, რა თქმა უნდა, სამწუხაროა, აქ რთულია მორალური განზომილებიდან საუბარი და რთულია გარკვეული შეფასებების მიცემა, რომელიც თქვენთვის იქნება მისაღები. მე ეს ძალიან კარგად მესმის. რა თქმა უნდა, მე ჩემს პასუხისმგებლობიანად ვზივარ დღეს აქ და ავხსნი რატომ. კიდევ ერთხელ ვიმეორებ, რასაც მე ახლა ვსაუბრობ, ვსაუბრობ მინისტრის რანგში და თითოეულ ჩემს სიტყვას კარგად ვაცნობიერებ აქვს სამართლებრივი მნიშვნელობა. არცერთი რეზინის ტყვია,  რომელიც აკრძალულია არ არის ლეტალური. ამ ღონისძიების დროს გამოყენებული არ ყოფილა და ვერ იქნებოდა. ამ ტყვიის პროტოკოლად გამოყენების საკითხი არის გამოძიების საგანი. ეს ტყვიები არსებობს გამოძიების საქმეში და მე არ მივცემ ახლა ამას მორალურ და არც სამართლებრივ შეფასებას. რაც შეეხება ამ ტყვიების ყიდვას, ნაყიდია 2012 წლის აგვისტოში და მას შემდეგ დამატებით რეზინის ტყვიები ნაყიდი არ ყოფილა. არანაირი მნიშვნელობა არ აქვს ვინ გასცა ბრძანება ამ ტყვიების გამოყენება ან არ გამოყენებაზე. კიდევ ერთხელ ვამბობ, ყველაფერი რაც ამ ღონისძიებას შეეხება არის ჩემი პასუხისმგებლობა. რაც გამოიხატება იმაში, რომ ბოლომდე მივიყვანოთ გამოძიება, როგორც სამოქალაქო პირების წინააღმდეგ უფლებამოსილების გადამეტების ნაწილში. ყველაფერი, რაც ამ ღამეს მოხდა არის ჩემი პასუხისმგებლობა. თუ ეს ტყვიები არის ლეტალური და ამას გამოძიება დაადგენს მე პასუხს ვაგებ კანონის წინაშე. ყველა თანამშრომელი, რომელიც იქ მოქმედებდა იყო ჩემი პასუხისმგებლობის ქვეშ. სანამ არ დასრულდება გამოძიება მე ვრჩები თანამდებობაზე. როგორც კი დავასრულებ ამ ყველაფერს, იმ შედეგებიდან გამომდინარე, არანაირი პრობლემა არ მაქვს მე ამ სავარძელში ჯდომის“, - აღნიშნა შს მინისტრმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

შსს-ს ცენზურის დეპარტამენტის წარმომადგენელი - სასამართლომ არ უნდა მიიღოს ფორმალური გადაწყვეტილებები

ევროპარლამენტარი მიხაელ გალერი: საბჭოთა საქართველო რეალობად იქცევა

FBI-ის ხელმძღვანელი რუსეთში „უჩვეულო და მგრძნობიარე“ ვიზიტს გეგმავს

ზურაბიშვილი ვახო სანაიას დაპატიმრებაზე: ტოტალური ცენზურა, რუსული სტილით