საპარლამენტო უმრავლესობის ლიდერი გია ვოლსკი სასამართლოს გადაწყვეტილებას ეხმაურება, რომელის თანახმადაც "ნაციონალური მოძრაობის" წევრ ნიკა მელიას 30 000-ლარიანი გირაო შეეფარდა.

როგორც ვოლსკიმ აღნიშნა, გირაოს შეფარდება არ ნიშნავს, რომ ნიკა მელიას პასუხისმგებლობა მოეხსნა. 

"პარლამენტი არ არის სასამართლო. ჩვენ პროკურატურას მივეცით უფლება მიემართა სასამართლოსთვის კონკრეტული აღკვეთის ღონისძიების გამოყენების თაობაზე. სასამართლოს ვერ ჩაანაცვლებს პარლამენტი. სასამართლომ მიიჩნია, რომ არ არის აუცილებელი, რომ ის ციხეში იჯდეს და გარკვეული ქცევის წესების შეთანხმების და გირაოს გადახდის შემდეგ ის არ გადის პასუხისმგებლობიდან. რჩება არა საპატიმროში არამედ გარკვეულ წესებს დაექვემდებარება, რაც გარკვეულწილად შინაპატიმრობის ტოლფასია. ეს არ ნიშნავს მისთვის პასუხისმგებლობის მოხსნას. მისი პასუხისმგებლობის განსაზღვრა პარლამენტის საქმე არ არის. რა უხარიათ ჩვენ ოპონენტებს, როდესაც მათი მმართველობის პერიოდში სასამართლო ასეთ გადაწყვეტილებებს საერთოდ არ იღებდა. 2 წუთში ხალხს ასამართლებდა უდანაშაულოს", - განაცხადა ვოლსკიმ.

ჟურნალისტის კითხვას - ხომ არ მიიღო სასამართლომ ასეთი ტიპის გადაწყვეტილება იმისათვის, რომ ინსტიტუტის იმიჯი გააუმჯობესოს, ვოლსკიმ ასე უპასუხა:

"რაც არ უნდა იყოს პოლიტიკური ხელისუფლება ძლიერი, ის სასამართლოს და მოსამართლეს ვერ მოერევა", - დასძინა მან. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს